Kók týdyń astynda: Derbes bitimgerlik kontıngenttiń buǵan deıingi bitimgerlerden aıyrmashylyǵy nede

<p>ASTANA. KAZINFORM &ndash; Qorǵanys mınıstriniń orynbasary Darhan Ahmedıev Kazinform saýalyna joldaǵan jaýabynda tuńǵysh derbes bitimgerlik kontıngenttiń buǵan deıingi bitimgerlerden aıyrmashylyǵy qandaı ekenin túsindirdi.</p>

«Buǵan deıingi Qazaqstan Respýblıkasy Qarýly Kúshteri bitimgershilik kontıngentti 2018 jyly BUU-nyń Lıvandaǵy ýaqytsha kúshteri mıssııasyna Úndistan Qarýly Kúshteriniń bitimgershilik batalony qol astynda joldaǵan bolatyn. ıAǵnı, Qazaqstan bitimgerleri tek jeke qarý-jaraǵy men jeke múlikterin alǵan bolatyn», - dep jazylǵan jaýapta.

Al bul joly qazaqstandyq áskerıler ózimen birge Qazaqstan Týyn alyp júredi.

«Qazirgi joldanatyn kontıngent Qazaqstan Respýblıkasynyń óz týynyń astynda derbes, óziniń áskerı tehnıkasy, qarý-jaraǵy jáne qosymsha múlkimen birge joldanaıyn dep otyr. Kontıngent joldaýǵa Qazaqstan Respýblıkasynyń BUU-nyń Jarǵysynda kórsetilgen halyqaralyq qaýipsizdik pen beıbitshilikke úles qosý sheńberindegi mindettemelerin oryndaý sheńberinde júzege asyrylyp otyr. Sondaı-aq, bizdiń áskerılerdiń bitimgershilik mıssııaǵa qatysý barysynda qosymsha tájirıbe jınaıtyny anyq», - delingen mınıstr orynbasarynyń jaýabynda.