«Kók» statýsty astanalyqtar úshin birneshe shekteý alyndy

NUR-SULTAN. QazAqparat – Nur-Sultan qalasynyń sanıtarııalyq-epıdemıologııalyq baqylaý departamenti qalanyń bas sanıtar dárigeriniń 22 aqpandaǵy № 5 qaýlysyna túsinikteme berdi, dep habarlaıdy QazAqparat tilshisi.

Atalmysh qujatta QR bas sanıtar dárigeriniń birneshe qaýlysyna silteme berilgen bolatyn. Departamenttiń baspasóz qyzmeti silteme usynǵan qaýlylardyń mánin ashyp, aqparat usynyp otyr.

«Nur-Sultan qalasy boıynsha 2022 jylǵy 22 aqpandaǵy Bas sanıtarııalyq dárigeriniń № 5 qaýlysy Qazaqstan Respýblıkasynyń BMSD qoldanystaǵy qaýlylaryna siltememen jasaldy. Olar boıynsha sary jáne jasyl aımaqtarda «kók» jáne «jasyl» mártebesi bar kelýshiler úshin ashyq qosymshasyna qatysýshy obektileriniń qyzmetine shekteýsiz (ýaqyty men toltyrylýy boıynsha) ruqsat etiledi», - dep jazylǵan qaýlyda.

Atap aıtsaq, saýda-oıyn-saýyq ortalyqtary, saýda úıleri men saýda jelilerine, kórmelerge, karaokege, túngi klýbtarǵa, oıyn klýbtaryna, sport keshenderine, fıtnes-ortalyqtarǵa, ıoga-ortalyqtarǵa, basseınderge barý kezinde beıtarap «kók» mártebesi bar kelýshiler úshin shekteýler alynyp tastaldy.

«Adamdar kóp jınalatyn saltanatty, estelik, otbasylyq, sporttyq, oıyn-saýyq is-sharalaryn, konferentsııalardy, forýmdardy jáne ózge de is-sharalardy ótkizýge, sondaı-aq dinı obektilerge qaýipsiz «jasyl» mártebemen qosa beıtarap «kók» mártebe ıelerine kirýge ruqsat etiledi», - delingen departamenttiń málimetinde.

Qaýlynyń tolyq nusqasyn myna jerden kórýge bolady.