Qoǵamdyq uıymdar jemqorlyqpen kúresýi kerek-sarapshy
«Qazaqstan Prezıdenti Qasym-Jomart Toqaev ataǵan barlyq 10 usynys boıynsha jumystarǵa aınalyp kelgende qoǵamdyq uıymdar tartylady. Bálkim, jumys baǵyty naqty bir qoǵamdyq uıymnyń profıline saı kelmeýi múmkin. Máselen, aımaqtarda qoǵamdyq uıymdar bir-birimen etene yntymaqtasa jumys júrgizedi. Barlyq salaǵa qatysy bar ózekti bir sala bolady. Mysaly, maǵan bireý «Ekologııamen nelikten aınalysyp júrsiz?» dep suraq qoıýy múmkin. Jaýabym qarapaıym - qorshaǵan orta meniń densaýlyǵyma áser etedi. Sol sekildi, jemqorlyqpen kúres taqyryby da aınalyp kelgende barlyq salany janap óteri sózsiz», - deıdi ol.
Baıan Ahmetjanovanyń aıtýyna qaraǵanda, jemqorlyqpen jıi betpe-bet kelýge bolady. Máselen, baqylanbaǵan jaǵdaıda joǵary oqý ornyndaǵy stýdentteri emtıhan tapsyrý kezinde para berip úırenýi múmkin. Keıin osynyń kesirinen laıyqty bilim almaı jatyp, dıplomǵa ıe bolady. Prezıdenttiń sybaılas jemqorlyqty barynsha eńserý baǵytyndaǵy zań jobasyn ázirleý tapsyrmasyna qatysty sóz qozǵaǵan Baıan Ahmetjanova qoǵamdyq uıymdar shoǵyrlanǵan tártipte óz usynystaryn berý kerektigin atap ótti.
«Ol usynystar ártúrli forýmdarda tereń taldanyp, pysyqtalyp alýy kerek. Tek sonda ǵana qoǵamdyq uıymdardyń usynystary salmaqty shyǵyp, bıliktiń nazaryna ilineri sózsiz», - deıdi ol.
Eske sala ketsek, Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev 1 qyrkúıekke deıin jemqorlyqqa qarsy reformalar toptamasy daıyndalatynyn málim etken edi.
«Jemqorlyq - memlekettiń damýyn tejeıtin kesel. Bul - qoǵamdaǵy ózara senimge, jalpy memleketimizdiń qaýipsizdigine qater tóndiretin qubylys. Sybaılas jemqorlyqqa qarsy júıeli jumys júrgizemiz», - dedi Memleket basshysy.
https://kaz.inform.kz/news/1-kyrkuyekke-deyin-zhemkorlykka-karsy-reformalar-toptamasy-dayyndalady_a3537115