Qoǵamdyq tutastyqtyń jańa deńgeıin kórsetti – Erlan Qarın referendým týraly

NUR-SULTAN. QazAqparat – Eldiń bolashaq damýyna qatysty bılik pen qoǵamnyń túsinigi birtutas. Bul týraly QR Memlekettik hatshysy Erlan Qarın Telegram-kanalynda QR Konstıtýtsııasyna ózgerister men tolyqtyrýlar engizýge qatysty ótken respýblıkalyq referendýmǵa túsinik bere otyryp málimdedi, dep habarlaıdy QazAqparat.

«Sonymen, konstıtýtsııalyq túzetýler boıynsha referendým ótti. Ortalyq referendým komıssııasy jarııalaǵan aldyn-ala málimetter boıynsha azamattardyń referendýmǵa qatysýy 68,06%-dy qurady.

Osylaısha qazaqstandyqtardyń 77,18%-y Konstıtýtsııaǵa engiziletin ózgerister men tolyqtyrýlardy qoldap otyr. Konstıtýtsııalyq reformaǵa qatysý kórsetkishiniń joǵary nátıjesi qoǵamdyq tutastyqtyń jańa deńgeıin kórsetip otyr.

Referendým nátıjesi bılik pen qoǵamnyń eldiń odan ári damý perspektıvalaryna qatysty túsiniktiń birtutastyǵyn kórsetedi. Bul prezıdenttik reformalardy júzege asyrýda qoǵamdyq qoldaýdyń naqty kórinisin bildiredi», - dep jazdy Erlan Qarın.