Qoǵamdyq pikir qýatty kúshke aınaldy – saıasattanýshy

ORAL. QazAqparat – Búgin elimizde Qazaqstan Respýblıkasy Májilisi men túrli deńgeıdegi máslıhattar depýtattaryn saılaý ótip jatyr. Osyǵan oraı saıasattanýshy, M.Ótemisov atyndaǵy Batys Qazaqstan ýnıversıtetiniń aǵa oqytýshysy Turar Shaıhıev óz pikir-paıymymen bólisti, dep habarlaıdy QazAqparat tilshisi.

Onyń aıtýynsha, saılaý – azamattardyń demokratııalyq quqyǵy.

Demokratııalyq saılaý – bul básekeli, merzimdi jáne ókildik saılaý, onyń barysynda erkin azamattar bılik qurylymdaryna ózderiniń ókilderin balama negizde saılaıdy.

Osy saılaý barysynda Qazaqstanda teńdestirilgen jáne majorıtarly saılaý júıeleri keńinen qoldanyldy. ıAǵnı azamattar saıası partııalar jáne jeke úmitkerlerge bir mezgilde qatar daýys beredi.

Saıasattanýshynyń sózine qaraǵanda, saılaý barysynda jeti saıası partııa men majorıtarlyq júıe boıynsha bir mandatty saılaý okrýgterinen tirkelgen jekelegen úmitkerler óz baqtaryn synap jatyr.

Osy saılaýdyń bir ereksheligi, onyń joǵary básekelestigi. Elimizde sońǵy bir-eki jylda jedel júrgizilgen saıası reformalar men konstıtýtsııalyq ózgerister nátıjesinde el azamattarynyń bılikti qurý men ony baqylaý quqyǵy men saıası qatysý múmkindikteri jańa sapaly deńgeıge kóterildi. Búgingi ótip jatqan saılaý barysy ony aıqyn kórsetip otyr.

Turar Shaıhıevtiń paıymdaýynsha, Prezıdent bastamasymen qolǵa alynǵan azamattardyń saıası quqyǵynyń shynaıy iske asyrylýy men qoǵamnyń saıası mádenıetin kóterýge baǵyttalǵan reformalar qoǵamdyq pikirdiń qýatty kúshke aınalýyna ákeldi. Osyny jaqsy túsingen saıası partııalar ózderine ońtaıly qoǵamdyq pikir qalyptastyrý úshin bar múmkindikterin sarqa paıdalandy. Sol sebepti de, osyǵan deıingi úgit-nasıhat jumystary barysynda saıası partııalar men jekelegen úmitkerler áleýmettik jelilerdiń qýaty men orasan zor múmkindigin keńinen paıdalanyp qalýǵa tyrysty. Jalpy, áleýmettik jeliler bolashaqta myqty saıası taldaýdy qajet etetin qubylys ekendigin kórsetti. Onyń konstrýktıvti jáne destrýktıvti tustaryn dál naqtylaı alsaq, qoǵamdy jańartatyn da nemese shaıqaltatyn da kúsh bola alatyndyǵyn baıqatty.

«Eń bastysy, búgingi saılaý elimizdiń demokratııalyq damý bolashaǵynyń zor ekendigin kórsetip otyr. Qazaqstan halqy saıası bıliktiń demokratııalyq ózgerisi men saıası partııalar básekelestiginiń elimiz úshin, barlyq órkenıetti memleketterdi sııaqty qalypty saıası úrdiske aınala bastaǵandyǵyn anyq ańdady», dedi saıasattanýshy.

Eske sala keteıik, budan buryn eldiń batysynda turǵyndar saılaýda óz tańdaýyn jasap jatqanyn jazǵan bolatynbyz.

Batys Qazaqstan oblysynda 70 jastaǵy qarııa óz tańdaýyn jasady.