Qoǵamdyq keńester týraly zańnyń negizgi baǵyttary baıandaldy
Búgin Ortalyq kommýnıkatsııalar qyzmeti alańynda ótken brıfıngige QR Aqparat jáne qoǵamdyq damý vıtse-mınıstri Bolat Tlepov, Densaýlyq saqtaý salasyndaǵy Qoǵamdyq keńestiń tóraǵasy Nadejda Petýhova qatysty.
Spıkerler Qoǵamdyq keńester týraly zańnyń negizgi baǵyttary jaıly baıandady.
«Osy zań qoǵamdyq keńester ınstıtýtynyń qyzmetin jetildirýge baǵyttalǵan birqatar ózgeristerdi usyndy. Qoǵamdyq keńesterdiń táýelsizdigi men ashyqtyǵyn qamtamasyz etý úshin Qoǵamdyq keńesti qalyptastyrý jónindegi jumys tobynyń basshysyn azamattyq qoǵam ókilderi qatarynan saılaý usynylady», - dedi Bolat Tlepov.
Sonymen birge, Aqparat jáne qoǵamdyq damý vıtse-mınıstri qoǵamdyq keńester kandıdattardyń qatarynan Rezervtik paraqty ózderi qalyptastyrady jáne shyǵyp qalǵandardyń ornyna jańa múshelerdi saılaýǵa qosymsha konkýrstar ótkize alatyndyǵy jóninde aıtyp berdi.
Atalǵan normalar qoǵamdyq keńester qyzmetiniń tıimdiligin arttyrýǵa múmkindik beredi, sebebi keńester quramyn der kezinde qalyptastyrý sheshimin talap etetin problemalyq máseleniń biri.
Zańda jergilikti deńgeıde sandyq quramdy jáne respýblıkalyq deńgeıde qoǵamdyq keńester quramynyń sandyq parametrlerin belgileý boıynsha biryńǵaı tásil usynylady.
Qoǵamdyq baqylaýdyń nysandary bolyp tabylatyn qoǵamdyq tyńdaýdy, qoǵamdyq saraptamany, qoǵamdyq monıtorıngti, memlekettik organdar basshylarynyń esepterin uıymdastyrý jáne ótkizý tártibin normatıvti túrde bekitý usynylady.
Qoǵamdyq keńesterge qoǵamdyq baqylaýdyń ártúrli nysandaryn júrgizý úshin táýelsiz sarapshylardy tartý múmkindigin berý usynylady.
Brıfıng barysynda Bolat Tlepov: «Aqparat jáne qoǵamdyq damý mınıstrligi Qoǵamdyq keńester máseleleri jónindegi ýákiletti organ retinde aıqyndalady, onyń quzyretine qoǵamdyq keńesterdiń qyzmetin úılestirý jáne ádistemelik qamtamasyz etýdi júzege asyrý kiredi», - dep atap ótti.
Memleket basshysyna qoǵamdyq keńesterdiń qyzmeti týraly jyl saıynǵy Ulttyq baıandamany daıyndaý jáne engizý usynylady.
Zańda Qoǵamdyq keńes qyzmetiniń jekelegen aspektilerin qarjylandyrý modelin engizý usynyldy, bul rette qoǵamdyq keńesterdiń músheleri óz qyzmetin qoǵamdyq negizde júzege asyratyn bolady, al keńesterdiń qyzmetin uıymdastyrýshylyq qamtamasyz etý tıisti bıýdjet (respýblıkalyq jáne jergilikti) esebinen qarjylandyrylatyn bolady.
Memleket basshysynyń Qazaqstan halqyna Joldaýynda aıtylǵan tapsyrmasyn oryndaý sheńberinde kvazımemlekettik sektor sýbektilerinde qoǵamdyq keńester qurý boıynsha túzetýler engizilgen, olardyń ókilettikteri, quqyqtary men mindetteri belgilendi, sandyq quramy aıqyndaldy.
Zańnyń jańalyqtarynyń biri - qoǵamdyq keńester múshelerine memlekettik organdar men kvazımemlekettik sektor sýbektileriniń satyp alý komıssııalarynyń jumysyna qatysý quqyǵyn berý bolyp tabylady.
Esterińizge sala keteıik, Qoǵamdyq keńester memleket pen azamattyq qoǵam arasyndaǵy dıalog nysany retinde «100 naqty qadam» Ult josparyn júzege asyrý aıasynda qurylǵan bolatyn.