Qoǵamdyq keńester qoǵamnyń jaýapkershiligin arttyrýǵa yqpal etetin bolady - Q. Sultanov
Aıta keteıik, Memleket basshysy Ult josparynyń 99-shy qadamynda Qoǵamdyq keńester týraly zań qabyldaýdy tapsyrǵan bolatyn.
Zań jobasy arqyly Qoǵamdyq keńesterdiń mártebesi men ókilettigi bekitilip, ol memlekettik sheshimderdiń qabyldaný ashyqtyǵyn arttyrady. Qoǵamdyq keńester respýblıkalyq jáne jergilikti deńgeıde qurylady. Aýyl, selo, kent, aýyldyq okrýg, aýdandyq mańyzy bar qala deńgeıindegi qoǵamdyq keńesterdiń qyzmeti jergilikti qoǵamdastyq jınalysyna júkteledi. Qoǵamdyq keńesterdiń usynymdary zańnamasynda kózdelgen sheshimderdi qabyldaıtyn jáne ýájdi jaýaptar beretin memlekettik organdardyń qaraýy úshin mindetti bolyp tabylady. Sonymen qatar, azamattyq qoǵamnyń múddesin bildirý jáne memlekettik sheshimderdi, jergilikti mańyzy bar máselelerdi talqylaý ári qabyldaý kezinde jurtshylyqtyń pikirin eskerý, ortaq jáne jergilikti atqarýshy organdar men jergilikti ózin-ózi basqarý organdarynyń azamattyq qoǵammen ózara is-qımyl jasaýyn damytý, qoǵamdyq baqylaýdy uıymdastyrý men ortalyq jáne jergilikti atqarýshy organdar men jergilikti ózin-ózi basqarý organdary qyzmetiniń ashyqtyǵyn qamtamasyz etý Qoǵamdyq keńesterdiń negizgi qyzmeti sanalady.
«Álemniń ár elderinde qoǵam men bılik arasynda Qoǵamdyq keńester áriptestik, konsýltatsııalyq tetikter retinde belgili tájirıbe jınaqtaǵan. Demokratııalyq elderde belgili bir másele boıynsha qoǵamnyń oıy memlekettik saıasattyń oryndalý baǵytyna aıtarlyqtaı áser etetini bar. Mysaly, Frantsııada Ekonomıkalyq jáne áleýmettik keńes qyzmeti Konstıtýtsııada qarastyrylǵan. Chehııada qoǵamdyq keńestiń qyzmeti Prezıdenttiń normatıvtik-quqyqtyq aktilerimen retteledi»,- dedi zań jobasy boıynsha baıandaǵan depýtat Qýanysh Sultanov.
Onyń aıtýynsha, Qoǵamdyq keńester ınstıtýttar men azamattardyń barlyq deńgeıdegi memlektetik organdar qabyldaıtyn sheshimderge keńinen qatynasýyn qamtamasyz etý boıynsha qoǵamnyń jaýapkershiligin arttyra túsedi. «Qoǵamdyq keńester sheshimderi usynymdyq sıpatta bolady ári qaralýǵa mindetti. Keńesterdiń bergen baǵasy memlekettik organdardyń reıtıngin aıqyndaǵan kezde eskeriledi. Bastapqy kezeńde Qoǵamdyq keńester quramyn bekitý aýmaqtarda máslıhat hatshysyna júkteledi», - dedi Q. Sultanov.
Sonymen qatar, otyrys barysynda «Qazaqstan Respýblıkasynyń keıbir zańnamalyq aktilerine qoǵamdyq keńester máseleleri boıynsha ózgerister men tolyqtyrýlar engizý týraly» zań jobasy da birinshi oqylymda maquldandy.