Qoǵamdyq keńes ókilderi astananyń tergeý ızolıatoryna bardy
Іshki ister organdary qyzmetiniń máseleleri boıynsha qoǵamdyq keńestiń tóraǵasy Marat Qoǵamov keńes múshesi Bahtııar Bileýlıevpen birlesip 2 sáýirde astananyń tergeý ızolıatorynyń jumysyna qoǵamdyq monıtorıng júrgizdi.
«Nur-Sultan qalasy boıynsha QAJ departamentiniń ETs-166/1 mekemesine (tergeý ızolıatory) kelý barysynda Qoǵamdyq keńes músheleri osy mekeminiń qyzmetimen tanysty. Olar arnaıy kontıngentterge keletin advokattardyń pikirlerin tyńdady, sonymen qatar advokattar tergeý ızolıatoryndaǵy adamdarǵa bilikti zań kómegin kórsetý boıynsha advokattyq qyzmetti júzege asyrý úshin osy mekemede qolaıly jaǵdaılar jasalǵanyn atap ótti», delingen habarlamada.
Qoǵamdyq keńes músheleri atalǵan mekeminiń jeke quramymen kezdesti. Onda Marat Qoǵamov keńestiń ókilettiligi men mindetteri, azamattardyń quqyqtary, bostandyqtary jáne mindetterine qatysty normatıvtik-quqyqtyq aktilerdi saqtaý týraly, ІІB qyzmetin jetildirý máselelerine qatysty jeke jáne zańdy tulǵalardyń ótinishterin qarastyrýdy, sondaı-aq qyzmetkerlerdiń qyzmettik etıkany saqtaý kerektigin jetkizdi.
Óz kezeginde, Nur-Sultan qalasy boıynsha QAJ departamentiniń bastyǵy ádilet polkovnıgi E.Aqyljanov ishki ister organdarynyń 2019-2021 jyldarǵa arnalǵan jol kartasyn iske asyrý sheńberinde QAJD atqarǵan jumysy týraly baıandady.
Osy kezdesýge QR ІІM QAJ komıteti tóraǵasynyń orynbasary ádilet general-maıory M. Aıýbaev ta qatysty. Ol qala ákimdigi men astanalyq departamentiniń tıisti ózara is-qımylynyń birizdiligi týraly jalpy baıandap shyqty.
Bul qoǵamdyq monıtorıng sheńberinde astananyń tergeý ızolıatoryna kelgen Qoǵamdyq keńestiń jańa quramynyń alǵashqy josparlanǵan kezdesýi bolatyn.