Qoǵamdyq kelisim men el birligi Assambleıa jumysynyń negizgi baǵyty retinde jalǵasa beredi - M. Tájın
Sóz arasynda Memlekettik hatshy 2013 jyly QHA tarapynan aıtýly sharalar atqarylǵanyn, Elbasy atalmysh ınstıtýttyń Qazaqstan qoǵamynda erekshe ornyn atap kórsetkenin aıtty. «Prezıdent Assambleıaǵa «qoǵamdyq kelisimniń bas ınstıtýty, jalpy azamattyq, jalpyulttyq ishki saıası múddelerden joǵary konstıtýtsııalyq organ» degen baǵa berdi. Sondyqtan da, qoǵamdyq kelisim men el birligi Assambleıa jumysynyń negizgi baǵyty retinde jalǵasa beretin bolady», - dedi M. Tájın.
Sonymen qatar, Memlekettik hatshy ulysaralyq qatynastar boıynsha aǵymdaǵy jyly atqarylǵan sharalarǵa da toqtalyp ótti. Onyń aıtýynsha, bul baǵytta bıyl Assambleıanyń ortamerzimdi kezeńge arnalǵan strategııalyq-baǵdarlamalyq qujaty qabyldandy. 2020 jylǵa deıingi baǵdarlamalyq qujat resýrstyq qamtamasyz etilgen. Etnıkalyq úderisterdiń ınstıtýtsıonaldyq negizderi aıqyndaldy. «Budan bólek, Assambleıanyń óz ishinde birqatar mańyzdy keńester, pikirtalastar ótti. Munyń bári syndarly jaǵdaıda bolyp, paıdasy da az bolmady. Assambleıanyń ǵylymı-sarapshylyq keńesiniń keńeıtilgen otyrysy da ótti. Jalpy osy rette atalmysh keńesti áleýeti jaǵynan elimizdegi eń úzdik saraptamalyq alań dep atar edim. Biz osy áleýetti belsendire túsýge tıispiz», - dedi M. Tájın.