Qoǵamdyq baqylaýdaǵy zańnamalyq ózgerister jemqorlyqtyń aldyn alýda serpindi ról atqaratyny sózsiz - Shpekbaev
Onlaın rejıminde Sybaılas jemqorlyqqa qarsy qyzmettiń óńirlik departamentteri, Mınıstrliktiń vedomstvolyq baǵynysty uıymdary, ákimdikterdiń ishki saıasat, qoǵamdyq damý, jastar jáne din máseleleri jónindegi basqarmalary, sondaı-aq Qazaqstan halqy Assambleıasynyń fılıaldary qatysty.
Mınıstr Aıda Balaeva Sybaılas jemqorlyqqa qarsy strategııa aıasynda júzege asyrylyp jatqan sharalar vedomstvonyń kún tártibinde basym oryn alatynyn atap ótti. «Mınıstrlik azamattyq qoǵam ınstıtýttaryn sybaılas jemqorlyqtyń aldyn alý tetikterine biriktirýdiń mańyzdylyǵyn tolyq túsinedi. Bul olardyń naqty tıimdiligin arttyrýǵa múmkindik beredi», – dep atap ótti mınıstr.
Aǵymdaǵy jyly AQDM-de kórsetiletin birqatar memlekettik qyzmetter qatary avtomattandyrylǵany aıtyldy. Al, «qaǵaz balamasynan» tolyqtaı bas tartyp, tsıfrlyq formatqa kóshý boıynsha jumys mınıstrliktiń barlyq salalarynda aldaǵy jyly belsendi jalǵasady.
«Adaldyq alańy» jobalyq keńsesiniń qatysýymen mınıstrlik qyzmetindegi sybaılas jemqorlyq táýekelderin anyqtaý jáne joıý boıynsha taldamalyq jumys jedeldetildi, kommertsııalyq emes uıymdarǵa granttyq qarjylandyrý úrdisterin transformatsııalaý júrgizildi.
«Biz mınıstrliktiń ózinde táýekelderge ishki taldaý júrgizýmen shektelip qalmaımyz. Barlyq vedomstvolyq baǵynysty uıymdarda da osy jumysty júrgizemiz, azamattarmen jáne komplaens-qyzmettermen jumystyń servıstik modelin engizýdi jalǵastyramyz. Mınıstrlik jumysyn túsindirý jáne sybaılas jemqorlyq táýekelderi týraly habarlama alý boıynsha halyqqa arnalǵan biryńǵaı aqparattyq koll-ortalyq ashý da josparda bar», – dep sendirdi joba jetekshisi Lıma Dıas.
Mınıstrliktiń onlaın «Bilim bazasyn» qurýdaǵy tájirıbesi qyzyǵýshylyq týdyrdy. Onda memlekettik tapsyrys pen granttardy qarjylandyrý sheńberinde ÚEU sońǵy 4 jyl ishinde jasaǵan ıntellektýaldy ónimderdi: ǵylymı zertteýlerdi, ádistemelik nusqaýlyqtardy, esepteri ashyq qoljetimdilikte ornalastyrylǵan.
Mınıstrlikte basa nazar memlekettik organdardyń ashyqtyq dárejesin baǵalaýǵa baǵyttalǵan, aqparatqa qol jetkizý salasyndaǵy zańnamany jetildirý boıynsha sharalar pysyqtalýda. «Qoǵamdyq baqylaý týraly», «Onlaın-petıtsııalar týraly» zań jobalaryna jáne «Qoǵamdyq keńester týraly» zańǵa engiziletin ózgristerdi ázirleýde qoǵamdyq uıymdarmen birlesip atqarǵan jumys erekshe nazar aýdarýǵa turarlyq.
«Mınıstrlik parasattylyq ıdeologııasyn ilgeriletýdegi negizgi áriptes bolýǵa tıis. Qoǵamdyq keńester qyzmeti salasyndaǵy oń zańnamalyq ózgerister, qoǵamdyq baqylaý jáne onlaın-petıtsııalar jelisi boıynsha novellalar – memlekettik organdar men kvazımemlekettik sektor qyzmetinde, demek, sybaılas jemqorlyqtyń aldyn alýda ashyqtyq pen aıqyndyqty arttyrýda serpindi ról atqaratyny sózsiz», – dep atap ótti Sybaılas jemqorlyqqa qarsy qyzmet basshysy Alık Shpekbaev.
Spıker sondaı-aq, aqparattyq jáne túsindirý jumystarynyń ózektiligin atap ótip, azamattyq qoǵamnyń basty róline nazar aýdardy. «Jastar forýmdar men fleshmobtarǵa qatysýmen shektelmeýi tıis – olardy pármendi is-sharalarǵa tartý qajet. Osyǵan uqsas etno-mádenı ortalyqtar men dástúrli dinı birlestikterdiń ókilderi parasattylyq ıdeologııasyn taratýǵa jáne dáripteýge naqty qatysýy tıis», – dedi ol.
Shara barysynda Qazaqstannyń Azamattyq Alıansynyń prezıdenti Baný Nurǵazıeva, «Qazaqstandaǵy parlamentarızmdi damytý qory» qoǵamdyq qorynyń prezıdenti Záýresh Battalova, «Qazaqstannyń ekologııalyq uıymdary qaýymdastyǵy» ZTB Basqarma tóraǵasy Aıgúl Soloveva, «Qoǵamdyq baqylaý» tobynyń úılestirýshisi Saıda Taýkeleva syndy azamattyq belsendiler óz oılarymen bólisti.
Atap aıtqanda, Aıgúl Soloveva: «Mınıstrlik basqa memlekettik organdarǵa transparenttiliktiń kórneki úlgisin kórsetýde. Ótken jyly AQDM mınıstrdiń qatysýymen 40-tan astam túrli onlaın-alań ótkizdi, onda kez kelgen nıet bildirýshi óz pikirin bildirip, suraq qoıa aldy. Bul trendti barlyq memlekettik organdar qoldaýy tıis», – dep atap ótti.
Shara sońynda A. Balaeva Agenttiktiń usynymdary negizinde mınıstrlik sybaılas jemqorlyqqa qarsy mádenıetti jáne parasattylyq qaǵıdattaryn nyǵaıtý boıynsha birlesken joba ázirleıtinin jetkizdi.