«Qoǵamdyq baqylaý» týraly zań jobasy maýsymda Májilis qaraýyna túsedi

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva ortalyq kommınkatsııalar qyzmetinde ótken brıfıngide «Qoǵamdyq baqylaý» týraly zań jobasynyń qandaı satyda ekenin aıtty, dep habarlaıdy QazAqparat tilshisi.

«Qoǵamdyq baqylaý» týraly zań jobasy daıyn. Ol sarapshylar arasynda da, óńirler bólinisinde de keńinen talqylandy. Qoǵamdyq keńester men úkimettik emes uıym basshylary deńgeıinde de qyzý talqyǵa tústi. Tutastaı alǵanda, zań jobasyn talqylaýǵa 50-den astam alań usynyldy. Budan bólek, 70 sarapshysy bar jumys tobyn qurǵan bolatynbyz. Onyń quramyna halyqaralyq uıym basshylary, úkimettik emes uıym jetekshileri, jekelegen sarapshylar da kirdi. Jumys toby zań jobasyn muqııat ári egjeı-tegjeı talqylady. Keńinen talqylaý arqyly biz usynǵan joba 100 paıyz qaıta pysyqtaldy. Sarapshylardyń usynymy boıynsha zań jobasynyń jalpylama sıpatyna mán berildi. Búginde ol Úkimet qaraýynda jatyr. Maýsym aıynda Májiliske jiberiledi», - dedi Aıda Balaeva.