Qoǵamdyq baqylaý týraly zań: endi azamattar memlekettiń isine tikeleı aralasa alady

ASTANA. QazAqparat – Endigi ýaqytta halyq memlekettik bıýdjettiń iske asý barysyn tikeleı baqylap, tekserýge quqyly bolmaq. Tolyǵyraq Májilis depýtaty Erlan Saıyrov Jibek Joly telearnasynyń Májilistegi mobıldi stýdııasynda bergen suhbatynda aıtyp berdi, dep habarlaıdy QazAqparat tilshisi.

«Konstıtýtsııa boıynsha azamattar Prezıdent jáne depýtattar arqyly memlekettik basqarý jónindegi óz quqyqtaryn rettep otyrady. Endi qoǵamdyq baqylaý týraly zań boıynsha azamattar memlekettiń isine tikeleı aralasa alady. Bul demokratııanyń mehanızmi. Zań qalaı iske asady? Mysaly, ishki bıýdjet salasynda, memlekettik jáne kvazımemlekettik organdardyń qyzmetinde problema kóp. Ásirese oblystar men aýdandar bıýdjetine qatysty. ıAǵnı bıýdjet qalaı qalyptasady, ony kim baqylaıdy degen jaıttar. Osy oraıda belsendi azamattar toptasyp bastama kóterip aýdan bıýdjetiniń atqarylý barysyn memlekettik jáne quzyrly organdardyń qatysýymen tekserýge quqyly bolmaq», - dedi Erlan Saıyrov suhbat barysynda.

Halyq qalaýlysynyń túsindirýinshe, azamattar memlekettik isterge belsendi qatysýmen qatar, máseleni sheshýge qatysty ıdeıa, usynystaryn bildire alady.

«Halyq memleket bıýdjeti esebinen atqarylyp jatqan sharýanyń nátıjesi men onyń sapasyn bilip otyrý kerek», - deıdi depýtat.