Qoǵamdyq baqylaý memleket ómiriniń barlyq salasynda bolýy kerek – sarapshy

ALMATY. QazAqparat – Almatyda «Qoǵamdyq baqylaý týraly» zań jobasy talqylanyp jatyr. Jıynǵa QR Aqparat jáne qoǵamdyq damý mınıstri Aıda Balaeva qatysýda, dep habarlaıdy QazAqparat tilshisi.

Otyrysqa qatysqan sarapshylar jańa zań jobasy týraly óz oılaryn ortaǵa saldy.

«Qoǵamdyq baqylaý týraly» zań jobasyn talqylaý qoǵamdyq uıymdar men birlestikterdiń jumysynda jańa kezeńniń ashylýy dep oılaımyn. Mınıstrlik osy baǵytta óte paıdaly jumysty qolǵa alyp otyr. Sebebi qoǵamdyq birlestikterdiń jumysy ár zańda ártúrli qaralady. Olardyń barlyǵy bir zań jobasyna birikkeni durys. Osy turǵydan qoǵamdyq baqylaý memlekettiń ómiriniń barlyq salasyna synalap enýi tıis», - dedi ál-Farabı atyndaǵy QazUÝ zań fakýltetiniń dekany Dáýlet Baıdildınov.

Onyń aıtýynsha, qoǵamdyq baqylaý sýbektilerine tek memlekettik organ jatpaýy kerek. Odan bólek kóptegen kommertsııalyq qurylymdar bar.

PIK, qurylys salasy, bank qyzmeti barlyǵy qoǵamdyq baqylaýda bolýy tıis.

«Eń bastysy qoǵamdyq uıymdardyń pikirine qatysty memlekettik organdardyń jaýapkershiligin arttyrý kózdelgen»,- dedi ol.

Zańgerdiń aıtýynsha, zań jobasyn talqylaý barlyq qoǵamdyq uıymdardyń qatysýymen ótýi tıis.