Qoǵamdyq baqylaý: Qostanaıda mektepter men balabaqshalar tekserilip jatyr

QOSTANAI. QazAqparat – Jitiqara aýdanyndaǵy qoǵamdyq baqylaý toby áleýmettik nysandarǵa monıtorıng júrgizdi, dep habarlaıdy QazAqparat tilshisi.

Qoǵamdyq baqylaý tobynyń úılestirýshisi Gúlsara Jamanqulova mektepter men mektepke deıingi mekemelerde sanıtarlyq normalardyń oryndalýyna monıtorıng júrgizdi. Baqylaý toby aýdan ákimdiginiń ókilderimen birge «ıÝbıleınyı», «Balapan», «Drýjba», «Qarlyǵash» jáne nómiri 2, 3 orta mektepterdiń balabaqshalaryn tekserdi.

«Eresekter arasynda ınfektsııanyń jyldam taralýy kezinde balalarymyzdy vırýstan qorǵaý óte mańyzdy. Tekserý barysynda tártipbuzýshylyqtar anyqtalǵan joq, barlyq jerde dezınfektsııalyq kilemsheler, sanıtaızerler, áleýmettik qashyqtyqty saqtaý tańbalary bar. Barlyq qyzmetkerler balalardy betperde kıip, arnaıy qolǵappen qabyldaıdy. Ata-analarǵa toptarǵa kirýge tyıym salynǵan. Balalar da, olardyń ata-analary da jańa jumys jaǵdaılaryna beıimdeldi. Osy ýaqytta jaqyn adamdardyń ómiri men densaýlyǵy olardyń jeke jaýapkershiligine baılanysty ekenin barlyǵy túsinedi», - deıdi Gúlsara Jamanqulova.

Qoǵamdyq baqylaý toby óńirdiń bas sanıtar dárigeriniń talaptaryn saqtaý boıynsha reıd jumystaryn jalǵastyrady.