Qoǵamdyq baqylaý: Elordada dári-dármek baǵasyn negizsiz kótergen 5 dárihana anyqtaldy

NUR-SULTAN. QazAqparat - Nur-Sultan qalalyq prokýratýrasy men polıtsııa departamenti qyzmetkerleri quramynda bar monıtorıng toptyń kezekti reıdi barysynda medıtsınalyq preparattardy joǵary baǵamen satqan 5 dárihanany anyqtady, dep habarlaıdy QazAqparat tilshisi.

Nur-Sultan qalalyq polıtsııa departamentiniń málimetinshe, dárihana qyzmetkerleri QR Densaýlyq saqtaý mınıstriniń 2019 jylǵy 15 shildede jaryq kórgen «Kóterme jáne bólshek saýdada satý úshin dárilik zattardyń saýdalyq ataýlaryna shekti baǵalardy bekitý týraly» buıryǵyn buza otyryp, dárilik zattardy satqan.

Satylymnan azıtromıtsın, tsef3, paratsetomol, ıngaverın, dektametazon, tseftrıakson syndy 246 orama dári, 1983 dana medıtsınalyq maska, 4 myń dana qolǵap, 100 flakon antıseptık alyndy.

Tárkilengen dárilerdiń jalpy somasy 1 mıllıon teńgeden asyp jyǵylady.