Qoǵamdyq kólikti mas kúıde basqarǵan 10 júrgizýshi anyqtaldy

<p>ASTANA. KAZINFORM &mdash; Elimizde bes kúnde kúnde polıtseıler jol qozǵalysyn qadaǵalaý kezinde qoǵamdyq kólik júrgizýshileri jasaǵan 5470 jol qozǵalysy erejesin buzýshylyqty anyqtady. Onyń ishinde alkogoldik masań kúıde kólikti basqarýdyń 10 faktisi tirkeldi &mdash; dep habarlaıdy Polisia.kz.</p>

ІІM-de «Avtobýs» respýblıkalyq operatsııasynyń qorytyndysy shyǵaryldy.

Mysaly, Petropavlda patrýldik polıtsııa batalonynyń qyzmetkerleri Volkswagen Transporter kóligin toqtatty. Tekserý kezinde polıtseıler mıkroavtobýs júrgizýshisiniń mas kúıinde ekenin anyqtady. Muny medıtsınalyq kýálandyrý aktisi rastady. Kólik arnaıy avtoturaqqa jiberildi.

Aqmola oblysynda da osyndaı jaǵdaı boldy. Operatsııa barysynda polıtsııa qyzmetkerleri Jaqsy — Esil — Býzýlýk avtojoldaryna Qostanaı turǵynynyń basqarýymen Toyota Alphard avtokóligin toqtatty.

Іs júrgizý barysynda polıtseıler júrgizýshiniń jolaýshylardy jeke tasymaldaýmen zańsyz aınalysqanyn anyqtady. Sonymen qatar er adam marıhýana esirtkisin qoldanyp, salonda bolǵan bes jolaýshynyń ómirine qaýip tóndirdi. Tártip buzýshylarǵa qatysty polıtsııa qyzmetkerleri tıisti ákimshilik hattamalar jasady.

Budan bólek, qarsy jolaqqa shyǵýdyń 7 deregi, eńbek jáne demalys rejımin buzýǵa qatysty — 29, mindetti saqtandyrý týraly zańnamany buzýdyń — 351, reıs aldyndaǵy tekserýden ótpeýdiń — 123, tehnıkalyq baıqaýdan ótpeýdiń — 799, jyldamdyqty arttyrýdyń — 174, telefondy paıdalanýdyń — 1357, 1445 — manevr jasaý erejelerin buzý, 174 — lastaýshy zattar shyǵaryndylarynyń normalarynan asyp ketý, 498 — jolaýshylardy, bagajdy jáne júkterdi tasymaldaý qaǵıdalaryn buzý, jolaýshylardy zańsyz tasymaldaýdyń 112 faktisi tirkeldi, onyń ishinde 100-i taksı júrgizýshileri bolǵan.

Sondaı-aq operatsııa kezinde tártip saqshylary jol qaýipsizdigi talaptaryna saı kelmeıtin 23 ruqsat etilmegen avtoturaqty jaýyp, 4 myńǵa jýyq qoǵamdyq kólikti tekserip, 371 zańsyz túrlendirilgen avtobýsty anyqtady. Avtobýs parkteriniń 112 laýazymdy tulǵasy ákimshilik jaýapkershilikke tartyldy. Aıta keteıik, «Avtobýs» profılaktıkalyq is-sharasyn ótkizýge 9 myńnan astam polıtsııa qyzmetkeri, sondaı-aq jergilikti atqarýshy organdardyń ókilderi men jurtshylyq jumyldyryldy.