Qoǵamdyq birlestik qurý úshin 3 adamnyń bastamasy jetkilikti bolmaq

<p>Elimizde qoǵamdyq birlestik qurýǵa qajetti bastamashyl azamattardyń sany úsh ese qysqartylmaq. Májilis depýtattaryna Qazaqstan zańdaryna qoǵamdyq birlestikter baǵytynda ózgerister men tolyqtyrýlar engizýdi kózdeıtin zań jobasyn tanystyrǵan Mádenıet jáne aqparat mınıstri Aıda Balaeva osyndaı málimet aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Onyń sózinshe, qoǵamdyq birlestikterdiń jumysyn retteıtin zańnyń alǵash ret qabyldanǵanyna 27 jyl bolǵan. ıAǵnı, ony zaman talabyna saı jetildirý ýaqyt talabynan týyndap otyr.

«Bul ózgeristerdiń eń basty jańalyǵy – endigi jerde qoǵamdyq uıymdy tirkeý úshin bastamashyl azamattardyń sanyn 3 ese, ıaǵnı 10 adamnan 3 adamǵa deıin qysqartý bolmaq. Degenmen qoǵamdyq uıymdarǵa qatysty mundaı erkindik álemniń ozyq tájirıbesine súıenip jasalǵanyn erekshe atap ótý kerek. Biz óz kezeginde Belgııa, Chehııa, Lıtva elderinde bar júıege júginip, bastamashyl 3 adamdyq prıntsıpti qabyldap otyrmyz», - dedi mınıstr.

Aıda Balaevanyń paıymynsha, bul qadam Qazaqstannyń halyqaralyq bedelin bekite túsedi.

«Onyń ústine bul zań jobasy elimizdegi sońǵy kezdegi qurylǵan jańa óńirler týraly zańnamalyq ózgeristerdi eskere otyryp, kommertsııalyq emes uıymdar týraly qoldanystaǵy zańnyń normalaryn qaıtalamaıtynyn atap ótý kerek. Jalpy zańdy qabyldaý qosymsha qarajatty qajet etpeıdi», - dedi Mádenıet jáne aqparat mınıstri.