«Qoǵamdyq baqylaý týraly» Zań qoǵamdyq baqylaý nysandaryn shektemeıdi – Danııar Qadyrov

<p>&laquo;Qoǵamdyq baqylaý týraly&raquo; zań qoǵamdyq baqylaý nysandaryn shektemeıdi. Bul týraly Mádenıet jáne aqparat vıtse-mınıstri Danııar Qadyrov aıtty aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

Búgin ortalyq kommýnıkatsııalar qyzmetindegi brıfıng barysynda vıtse-mınıstr osy jyldyń 2 qazanynda Memleket basshysy qol qoıǵan «Qoǵamdyq baqylaý týraly» Zańnyń negizgi tustaryn túsindirdi.

«Zań Qazaqstan Respýblıkasynda qoǵamdyq baqylaýdy uıymdastyrýǵa jáne júzege asyrýǵa baılanysty qoǵamdyq qatynastardy retteýdi kózdeıdi. Birinshiden, Zańda qoǵamdyq baqylaý, sýbektiler men obektiler, qoǵamdyq baqylaýdy júzege asyrýdaǵy múddeler qaqtyǵysy, qoǵamdyq baqylaý nátıjeleri týraly qorytyndy qujat, qoǵamdyq baqylaý toby, sondaı-aq dáleldi jaýap uǵymy berilgen. Qoǵamdyq baqylaý obektileri men sýbektileri anyqtaldy», - dedi ol.

Onyń atap ótýinshe, ekinshiden, Zań qoǵamdyq baqylaýdyń maqsaty men mindetterin anyqtaıdy. Qoǵamdyq baqylaý sýbektileriniń zańdylyǵy, jarııalylyǵy, ashyqtyǵy, erikti qatysýy men táýelsizdigi sııaqty qoǵamdyq baqylaý qaǵıdattary belgilengen.

Úshinshiden, Zańda qoǵamdyq baqylaýdy júzege asyrýǵa qatysý sharttary aıqyndalǵan. Qoǵamdyq baqylaý jeke jáne qoǵamdyq baqylaý toptarynda júzege asyrylady. Qoǵamdyq baqylaýdy iske asyrýǵa 18 jasqa tolmaǵan, ótelmegen sottylyǵy bar, narkologııalyq nemese psıhıkalyq esepte turǵan, buryn sybaılas jemqorlyq quqyq buzýshylyqtar, ekstremıstik jáne terrorıstik qylmystar jasaǵany úshin qylmystyq jaýaptylyqqa tartylǵan azamattar jiberilmeıdi.

Budan basqa, sheteldik qatysýy bar, sondaı-aq qoldanystaǵy zańnamaǵa sáıkes qyzmeti toqtatylǵan nemese tyıym salynǵan kommertsııalyq emes uıymdar shekteledi.

Tórtinshiden, qoǵamdyq baqylaý sýbektileri men obektileriniń quqyqtary men mindetteri naqtylandy.

Besinshiden, qoǵamdyq baqylaýdyń negizgi nysandary retinde qoǵamdyq talqylaý, qoǵamdyq saraptama, qoǵamdyq monıtorıng usynylady. Sonymen birge, Zań qoǵamdyq baqylaý nysandaryn shektemeıdi. Qoǵamdyq baqylaý QR zańnamasynda belgilengen basqa nysandarda da júzege asyrylýy múmkin.

Altynshy, qoǵamdyq baqylaý nátıjelerin qaraý reglamenti belgilendi. Osylaısha, qoǵamdyq baqylaý obektileri qoǵamdyq baqylaý nátıjeleri boıynsha qorytyndy qujatty 10 kún merzimde qaraýǵa jáne dáleldi jaýap jiberýge tıis.

«Zań 2024 jyldyń 4 sáýirinen bastap kúshine enedi», - dedi Danııar Qadyrov.