Qoǵamdaǵy turaqtylyqty nyǵaıtýda Assambleıanyń orny erekshe - Sáken Musa

ORAL. QazAqparat - Qoǵamdaǵy turaqtylyqty nyǵaıtýda Qazaqstan halqy Assambleıasynyń orny erekshe. «Syrym jastary» jastar qoǵamdyq birlstiginiń tóraǵasy Sáken Musa osyndaı pikir bildirdi, dep habarlaıdy QazAqparat tilshisi.

Onyń aıtýynsha, Elbasy bastamasymen qurylǵan QHA Qazaqstanda jarasymdy tirlik keship jatqan túrli ult ókilderiniń óz mádenıetin, tili men salt-dástúrlerin saqtap, damytý jolynda tynbastan qyzmet etýde.

Búginde birlik pen tynyshtyq saltanat qurǵan elimizde júz otyzdan astam ult ókilderi bir-birine dos, baýyr dep qaraıdy. Olar bir úıdiń balasyndaı birigip, beıbitshilik pen berekeniń týyn jelbiretip, tatý-tátti ómir súrýde. Muny Qazaqstannyń kez kelgen aımaǵynan kórýge bolady.

Tuńǵysh Prezıdenttiń salyp bergen sara joly, syndarly saıasatynyń arqasynda ár ult bir-birin qurmet tutyp, el erteńiniń eńseli bolýyna óz úlesterin qosyp keledi.

Elbasy ótken jyldyń qazan aıyndaǵy Qazaqstan halqyna Joldaýynda 2019 jyldy Jastar jyly dep jarııalaǵan bolatyn. Bul onyń jastardy qoldap, eldiń jarqyn bolashaǵyna senim artqany dep bilemiz.

«Jastar jylynyń Aq Jaıyq óńirinde de maǵynaly ári mándi ótkeni mańyzdy. Budan «Syrym jastary» jastar qoǵamdyq birlestigi tys qalmaıdy. 2004 jyly Syrym aýdanynda qurylǵan birlestiktiń mereıli 15 jyldyǵyna oraı birqatar aýqymdy sharalar qolǵa alynbaq. Biz, óńir jastary ata-baba men aǵa býynnyń ıgi dástúrleri men isterin jalǵastyra otyryp, memlekettik joba-josparlardy, baǵdarlamalardy júzege asyrýǵa, túptep kelgende, Qazaqstannyń álemniń damyǵan elderiniń qataryna enýine óz úlesimizdi qosatyn bolamyz», dedi Sáken Nurkenuly.