Qoǵam sanasyndaǵy oń ózgerister «Jańa Qazaqstan» qurýdyń birden-bir ári durys joly – Asqar Shákirov
- Asqar Orazalyuly, qańtar aıynyń basynda QR Prezıdenti Qasym-Jomart Toqaev barlyǵyn birge «Jańa Qazaqstandy» qalyptastyrýǵa shaqyrdy. Sizdiń oıyńyzsha, onyń mánisi nede?
- Qasym-Jomart Kemeluly Memleket basshysy qyzmetine kirisken sátten bastap, buryn-sońdy bolmaǵan júıeli jáne jan-jaqty reformalardy iske qosyp, jańa Qazaqstandy qurýǵa kiriskeni anyq.
Bul rette kóppartııalyqty damytý jáne saıası partııalardyń básekege qabilettiligin arttyrý maqsatynda olardy tirkeý kezinde sandyq shegi eki ese azaıtyldy. Sondaı-aq, olardyń Parlament Májilisine ótý shegi 7%-dan 5%-ǵa deıin tómendetildi.
Parlamenttiń tómengi palatasyndaǵy oryndardyń kem degende 30%-y áıelder men jastar úshin saqtalyp otyr.
Elimizdiń joǵary zań shyǵarý organynda múgedek adamdar úshin reglamenttelgen osyǵan uqsas kvota kózdelgen. Jaqynda Prezıdent bizdiń jarty mıllıon otandasymyzdyń qaýymdastyǵynyń atynan tanymal qoǵam qaıratkerin senator etip taǵaıyndady. Quqyq qorǵaý jónindegi birlesken jumystarda jaqsy biletin Lázzat Qaltaevanyń zań shyǵarý úderisine tıimdi úles qosatynyna senimdimin.
Sybaılas jemqorlyqqa qarsy ymyrasyz kúres jarııalandy, quqyq qorǵaý júıesin jańa qalypta qurý jáne jyldar boıy qordalanyp qalǵan áleýmettik problemalar dáıekti túrde sheshimin taba bastady.
Bul Memleket basshysynyń bastamasymen tynys-tirshiliktiń barlyq salasyn is júzinde qaıta qurý úshin zańnamalyq deńgeıde negiz qalaıtyn reformalardyń bir bóligi ǵana.
Qoǵam Prezıdenttiń barlyq bastamalaryn yqylaspen qabyldady jáne qoldaý bildirdi.
Ózderińiz biletindeı, qańtar aıyndaǵy oqıǵalar osy protseske eleýli túzetýler engizdi. Onda búldirgi kúshter azamattardyń beıbit mıtıngilerin jappaı tártipsizdik pen tóbeleske ulastyryp jiberdi. Bul shyn máninde, eldegi naqty ózgeristerdiń baǵytyn ózgertýge tyrysqan áreket bolyp shyqty.
Árıne, joǵaryda atalǵan jaǵdaı elde jyldam ári túbegeıli ózgerister jasaý úshin múldem basqasha oılastyrýdy qajet etti.
- «Jańa Qazaqstandy» qurýdaǵy negizgi baǵyttar men mindetter qandaı bolýy tıis?
- Májilistegi óziniń baǵdarlamalyq baıandamalarynda, isker toptarmen kezdesýde, buqaralyq aqparat quraldaryna, sondaı-aq halyqaralyq alańdardaǵy aýqymdy suhbattar barysynda Qasym-Jomart Kemeluly jańa Qazaqstandy qurýdyń jalpy kórinisin naqty belgilep berdi.
Eń aldymen, qoǵamnyń barlyq músheleriniń ál-aýqatyn arttyrý maqsatynda áleýmettik teńsizdikti, ulttyq tabysty ádiletsiz bólýdi, áleýmettik-ekonomıkalyq tepe-teńdiktegi olqylyqtardy eńserý qajet.
Bul sharalar zań ústemdigin naqty ornatýmen qatar, olıgopolııa men sheneýnikterdiń júgensizdiginen ada, básekege qabiletti jáne tehnologııalyq ekonomıkanyń qalyptasýyn yntalandyrady.
Men Memleket basshysyn qoǵamda, eń aldymen, ásirese jastar arasynda, eńbeksúıgishtik pen bilimge qushtarlyqty ilgeriletý jónindegi oılaryn tolyq qoldaımyn. Onsyz qazirgi zamanǵy syn-qaterler men qaýipter aldynda álemde birde-bir memleketke tótep berý múmkin emes.
Nazar aýdaratyn asa mańyzdy baǵyttardyń biri, árıne, sybaılas jemqorlyqty joıý bolyp tabylady. Óıtkeni, sybaılas jemqorlyq kez kelgen reformany is júzinde joqqa shyǵara alatyn qaýipti qubylys bolyp otyr.
Mańyzdy máseleler óte kóp, sondyqtan, oqıǵalardy aldyn ala topshylap otyrmaı, Qazaqstan halqyna naýryzdaǵy Joldaýynda jańa memleket pen qoǵam qurýdyń jan-jaqty sheshimi usynylady dep nyq senimmen aıta alamyn.
- «Jańa Qazaqstandy» qurý isinde Siz neni mańyzdy dep sanaısyz?
- Júrgizilip jatqan aýqymdy reformalardyń negizi retinde myqty zańnamalyq baza qalyptastyrý qajet. Biz, Parlament depýtattary, tıisinshe, osy mindetti jedel iske asyrý úshin sapaly zańdar qabyldaý jónindegi óz qyzmetimizge odan ári qarqyn berýge tıispiz.
Memleket basshysy óziniń jańǵyrtý jónindegi kún tártibiniń mańyzdy baǵyty retinde daryndy, bilikti adamdarǵa, óz halqy men eliniń shynaıy patrıottaryna jol ashýy tıis qaǵıdatty jańa kadr saıasatyn aıqyndady. Men memleket basqarýǵa qoǵamnyń neǵurlym aýqymdy toptaryn zańnamalyq deńgeıde tartý jóninde atap óttim.
Kelesi kezekte jergilikti ózin-ózi basqarý ınstıtýtyn kezeń-kezeńimen nyǵaıtý protsesi tur.
- Qoǵamda eski bılikpen «Jańa Qazaqstan» qurý múmkin emes degen pikir bar. Bul týraly Sizdiń pikirińiz qandaı?
- Men osyndaı tujyrymdy alǵa tartyp, úlken iske belgili bir bóget qoıýdy qalamas edim.
Sonymen birge, eldi turaqsyzdandyrýda oǵan bastamashy bolǵandardyń áreketi onyń sebepterin naqty kórsetti, eldegi ózgerister olardyń jeke múddelerine qaýip tóndire bastaǵan bolatyn.
Árıne, qaıǵyly qańtardyń tergeý nátıjeleri barlyq suraqtarǵa tolyq jaýap beretini aqıqat.
«Bir jeńilgen kúreske toımaıdy» degen halyq maqalyn eskere otyryp, aldaǵy ýaqytta olardyń qaıtalanýyna jol bermeý asa mańyzdy.
Prezıdent barsha qazaqstandyqtardy – «Jańa Qazaqstan» qurýǵa shaqyryp otyr, qoǵam sanasyndaǵy oń ózgerister osy joldyń birden-bir ári jalǵyz durys jol ekenin kórsetti.
- Suhbatyńyzǵa rahmet!