Qoǵam «Halyq únine qulaq asatyn memleket» qaǵıdatyna senim artyp keledi – Sarapshy
«Birinshiden, Prezıdent Qasym-Jomart Toqaevtyń baǵytyna senim arta tústi. Ol búkil qoǵam men halyq úshin ádiletti qoǵam men tıimdi memleket qurý qajettigin ashyq aıtyp otyr. Munda ádilettiń ne ekeni qatardaǵy adamǵa da túsinikti. Osy eki tezıstiń astynda kóp maǵyna jatyr. Memlekettiń tıimdi bolýy – memlekettik basqarýdy jetildirý, sybaılas jemqorlyqqa qarsy kúres jáne t.b. qamtıdy. Oǵan senim arta tústi, kóp talqylana bastady, áleýmettik jelilerde de kóp talqylanyp jatyr», - dedi M. Báshimov «QazAqparat» halyqaralyq aqparat agenttiginiń baspasóz ortalyǵynda ótken saraptamalyq talqylaýda.
Sondaı-aq, ınstıtýt dırektory quqyqtyq salany damytýǵa qatysty da pikir bildirdi.
«Quqyqtyq salada da qoǵamdyq sana ózgerip keledi. Bul óte mańyzdy. Prokýratýrada da solaı. Neni damytý kerek? Prokýratýra qyzmetindegi ashyqtyq, aıqyndyqty damytqan jón. Osy baǵyttarǵa syn aıtylyp jatyr», - dedi Marat Báshimov.
Sonymen birge, Marat Báshimov «halyq únine qulaq asatyn memleket» qaǵıdatyna qoǵamnyń sene bastaǵanyn atap ótti.
Aıta keteıik, «QazAqparat HAA» AQ baspasóz ortalyǵynda QR Prezıdenti Joldaýynyń negizgi baǵyttary týraly saraptamalyq talqylaý ótti. Jıynǵa QR Parlamenti Májilisiniń depýtaty Aıdos Sarym, Eýropalyq quqyq jáne adam quqyqtary saraptamalyq ınstıtýtynyń dırektory Marat Báshimov, QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń múshesi ıÝlııa Kýchınskaıa qatysty.