«KMK Munaı» AQ munaı óndirisin 10 ese arttyrady
19:20, 22 Aqpan 2012
AQTÓBE. 22 aqpan. QazAqparat - 2012 jyly «KMK Munaı» AQ munaı ónim óndirisin arttyryp, 700 myń tonnaǵa deıin jetkizýdi josparlap otyr.
Osylaısha mekeme atalǵan kórsetkishter boıynsha «SNPS Aqtóbemunaıgaz» jáne «Qazaqoıl Aqtóbe» JShS-nen keıin úshinshi orynǵa jaıǵasady. Bul týraly búgin oblys ákimi Arhımed Muhambetov áriptestik boıynsha memorandýmǵa qol qoıý barysynda málim etti.
«2011 jyly kompanııa shamamen 70 myń tonna munaı óndirdi, 2012 jyly mekeme bul kórsetkishterden asyp, munaı óndirisin 700 myń tonnaǵa deıin jetkizýdi josparlap otyr», - deıdi ákim.
Ákimniń sózine qaraǵanda, aldaǵy 2-3 jylda Aqtóbe oblysy jylyna 8 mln. tonna munaı óndirý deńgeıine jetýi tıis.