QMG jáne SOCAR munaı tasymaldaý salasyndaǵy yntymaqtastyqty nyǵaıtý máselesin talqylady

<p>ASTANA. KAZINFORM &ndash; 9 naýryzda <a href="https://t.me/kmgpress/3138" target="_blank" rel="noopener">&laquo;QazMunaıGaz&raquo;</a> UK AQ (QMG) Basqarma tóraǵasy Maǵzum Myrzaǵalıev Baký qalasyna sapary barysynda Ázerbaıjan Respýblıkasynyń memlekettik munaı kompanııasynyń (SOCAR) prezıdenti Rovshan Nadjafpen kezdesti.</p>

Taraptar Baký-Tbılısı-Djeıhan munaı qubyry arqyly tasymaldanatyn Qazaqstan munaıynyń kólemin kezeń-kezeńimen ulǵaıtýdy jáne Qazaqstan munaıyn Baký-Sýpsa qubyry arqyly tasymaldaý máselelerin talqylady.

Foto: «QazMunaıGaz» UK AQ

«SOCAR kompanııasy QazMunaıGazdyń mańyzdy strategııalyq seriktesi. Qazaqstan munaıy tranzıtiniń kólemin kezeń-kezeńimen ulǵaıtý arqyly ózara tıimdi yntymaqtastyqtyń damýyna jańa serpin beriletinine senimdimin», - dedi M.Myrzaǵalıev.

Foto: «QazMunaıGaz» UK AQ

Aıta ketsek, «QazMunaıGaz» jáne SOCAR arasynda 1,5 mln tonna Qazaqstan munaıyn Ázerbaıjan aýmaǵy arqyly tasymaldaýǵa qatysty qol qoıylǵan kelisim aıasynda Qazaqstan munaıy byltyrdan beri Aqtaý – Baký – Djeıhan baǵyty boıynsha turaqty tasymaldanyp keledi.

Aqtaý portynan 2023 jyldyń qorytyndysy boıynsha 1 057 myń tonna, al 2024 jyldyń qańtar-aqpan aılarynda 232 myń tonna munaı jóneltildi.