QMG: Ózenmunaıgazdy tekserý jumysy aıaqtalýǵa jaqyn

ASTANA. QazAqparat – Jańaózendegi arnaıy jumys toby áli de jumys istep jatyr. Top músheleri munaı servıs kásiporyndaryn tekserip, qalanyń eńbek ujymdarymen jáne kásipodaq uıymdarymen kezdesýler ótkizedi, dep habarlaıdy «QazMunaıGaz» UK AQ baspasóz qyzmeti.

Málimetke saı, qazirgi ýaqytta «Ózenmunaıgaz» AQ-tyń qarjy-sharýashylyq qyzmetin tekserý jónindegi jumys aıaqtalýǵa jaqyn, aralyq qorytyndylar shyǵarylyp jatyr.

Anyqtalǵan sáıkessizdikter boıynsha komıssııa keıbir qyzmet túrlerin, onyń ishinde uńǵymalardy jerasty jóndeý, kólik qyzmetteri jáne t.b. qyzmetterdi odan ári teksere túsedi.

Odan bólek, aldaǵy eki aptaǵa jaýapty mamandardy tarta otyryp, merdiger uıymdardyń eńbekaqy tóleý, áleýmettik tólemder, qaýipsizdik tehnıkasyn saqtaý sharttaryna ınspektsııa júrgizý josparlanǵan.