QMG keıbir janarmaı beketterindegi AI-95 benzıniniń tapshylyǵyn túsindirdi
«AI-95 benzınin óndirý jospary tolyǵymen oryndaldy. Kásiporyndardyń birinde jóndeý júrgizilse, biz Energetıka mınıstrligimen birlesip tıisti sheshim jasaımyz. ıAǵnı, bir kásiporynda ónimdi qosymsha óndirý iske asady. Jalpy, benzınniń negizgi kólemi tolyq óndirildi dep aıta alamyn. Ár kásiporynǵa AI-92 men AI-95 benzınin óndirý boıynsha naqty talaptar qoıylǵan. Qazir Atyraý munaı óńdeý zaýytynyń júktemesi artty», - dedi D. Makeev elordada ótken baspasóz máslıhatynda.
Sonymen qatar ol keıbir janarmaı quıa stansalarynda AI-95 markaly benzınniń tapshylyǵy sebebin túsindirdi.
«Shynymen de keıbir janarmaı quıý beketterinde AI-95 benzıni jetpeı jatyr degen aqparat tarady. Bul másele logıstıkaǵa qatysty. Óıtkeni, janar-jaǵarmaıdy elimizdiń batysynan ońtústik óńirlerine jetkizý eki aptaǵa sozylýy múmkin. ıAǵnı benzın bar, biraq tıisti kólemi jolda kele jatyr. Elimizdiń aýmaǵy úlken ekenin eskersek, logıstıka biraz ýaqyt alady. Jalpy, biz tıisti tehnıkalyq is-sharalardy atqardyq, Atyraý munaı óńdeý zaýytyna óndiris boıynsha aýqymdy kólemi júkteldi», - dedi kompanııa ókili.
Budan buryn habarlanǵandaı, Dmıtrıı Makeev Pavlodar jáne Shymkent munaı óńdeý zaýyttary qashan tolyq iske qosylatynyn aıtty.