QMG BÓ 2013 jyly kúrdeli shyǵystaryn tómendetpek
11:50, 15 Shilde 2013
ASTANA. 15 shilde. QazAqparat - «QazMunaıGaz» BarlaýÓndirý» AQ (QMG BÓ) 2013 jylǵa arnalǵan túzetilgen bıýdjetin bekitti,
dep habarlaıdy kompanııanyń baspasóz qyzmeti.
Máselen, kompanııa bıyl kúrdeli salymdardy 17 mlrd. teńge kóleminde anyqtap, 168 mlrd. teńgege deıin qysqartýdy josparlap otyr. Bul burǵylaýǵa arnalǵan geologııalyq zertteýlerge ketetin shyǵyndardyń azaıýymen, burǵylaý kestesiniń jáne josparynyń ózgerýimen baılanysty. Sonymen qatar, birqatar nysandar qurylysynyń merzimi aýystyrylǵandyqtan, jańǵyrtý baǵdarlamasynyń shyǵys bóligi 7 mlrd teńgege qysqartyldy.
Bul rette «Embimunaıgaz» AQ ken ornyndaǵy qosymsha 11 uńǵymany burǵylaýǵa baılanysty shyǵyndar 1 mlrd teńgege ulǵaıtyldy.
«Atalmysh shara aǵymdaǵy ekonomıkalyq jáne óndiristik kórsetkishterdi eskerip, qarjyny tıimdi jumsaýdy qamtamasyz etýge baǵyttalǵan», - delingen QMG BÓ habarlamasynda.