QMG basshysy Atyraý munaı óńdeý zaýytyn tekserdi
QMG basshysy zaýytta júrgizilgen josparly aldyn alý jumystarynyń nátıjelerimen tanysyp, kásiporyn basshylyǵyna barlyq óndiristik protsesterdiń qaýipsizdigin qamtamasyz ete otyryp, turaqty tehnologııalyq rejımge shyǵý úshin iske qosý-retteý jumystaryn ýaqtyly ári sapaly aıaqtaýdy tapsyrdy.
Kásiporynnyń qazirgi jumysy men strategııalyq mindetterine arnalǵan jıynda AMÓZ-diń operatsııalyq tıimdiligi men energııa senimdiligin arttyrý jónindegi jumysty jandandyrýǵa qatysty tapsyrma berildi. A.Hasenov óndiristik jáne ekologııalyq jobalardyń iske asyrylýyn jalǵastyrýdyń, zaýytty keńeıtilgen jóndeý aralyq kezeńge kóshirýge daıyndaýdyń mańyzyn atap ótti.
A.Hasenov kásiporyn basshylyǵyna qyzmetkerlerdiń eńbek jaǵdaılaryn jáne zaýyttaǵy óndiristik protsesterdi jaqsartý máselelerine erekshe nazar aýdarýdy tapsyrdy. Ol QazMunaıGaz bul máseleni qatań baqylaýda ustaıtynyn atap ótti. Al qyzmetkerler bar kúsh-jigerin zaýyttyń turaqty jáne úzdiksiz jumysyn qamtamasyz etýge baǵyttaýy tıis.
— Qyzmetkerlerge qolaıly ári qaýipsiz eńbek jaǵdaılaryn jasap, áleýmettik-turmystyq jaǵdaılardy únemi jaqsartý kerek ekenin taǵy da eskertemin. QazMunaıGaz bul máselege erekshe den qoıyp, basymdyq beredi. Sapa men qaýipsizdikke qoıylatyn talaptardyń artýy jaǵdaıynda zaýyttyń turaqty ári tıimdi jumysyn qamtamasyz etý úshin kásiporyn jumysynyń joǵary standarttary men senimdiligin saqtaý qajet, — dep atap ótti Ashat Hasenov.