QMG basshylyǵy enshiles uıymdardaǵy óndiris máselesine qatysty keńes ótkizdi
10:05, 26 Qarasha 2023
<p>25 qarashada «QazMunaıGaz» UK AQ (QMG) basqarma tóraǵasy Maǵzum Myrzaǵalıev Aqtaý qalasyna jumys sapary barysynda QMG-niń Mańǵystaý oblysyndaǵy enshiles jáne táýeldi uıymdarynyń basshylarymen keńes ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>
Keńeske QMG basqarma tóraǵasynyń orynbasary Dáýletjan Hasanov, QMG apparatynyń basshysy Erhan Omarov, «Ózenmunaıgaz» AQ, «Qarajanbasmunaı» AQ, «Mańǵystaýmunaıgaz» AQ, «Ak Su KMG» JShS men «Caspi Bitum» JShS basshylary qatysty.
Maǵzum Myrzaǵalıev óndiristegi negizgi kórsetkishter, eńbek ujymdaryndaǵy áleýmettik turaqtylyqty saqtaý máseleleri týraly baıandaǵan kásiporyn basshylarynyń esebin tyńdady.
QMG basshysy jumysshylarǵa qoldaý kórsetý men qajetti jaǵdaı jasaýdyń, eńbek daýlaryn boldyrmaý úshin ýaqtyly tıisti sharalar qabyldaýdyń mańyzyn atap ótti.
Keńes qorytyndysy boıynsha M. Myrzaǵalıev kásiporyndardyń úzdiksiz jumysyn, 2023 jylǵa arnalǵan óndiristik baǵdarlamalardyń oryndalýyn qamtamasyz etýdi tapsyrdy.