Baspasóz qyzmetiniń málimetterine qaraǵanda, 2021 jyly tapsyrys berýshi men merdiger uıym arasynda jalpy somasy 1,7 mlrd teńge bolatyn eki kópqabatty turǵyn úı salýǵa kelisimsharttar jasalǵan.
Alaıda qol qoıylǵan oryndalǵan jumystar aktilerine qaramastan, birqatar qurylys-montaj jumystary is júzinde atqarylmaǵan.
Josparlanǵan toǵyz qabattyń tek jeteýi ǵana turǵyzylǵan, jylytý, sýmen jabdyqtaý, elektr jaryqtandyrý jumystary júrgizilmegen, sonymen qatar syrtqy árleý jumystary joq.
Osylaısha, qurylys aıaqtalmaı, nysandy paıdalanýǵa berý merzimderi buzylǵan. Memleketke keltirilgen shyǵyn 152 mln teńgeden asqan.
Sot sanktsııasymen qurylys kompanııasynyń múlkine tyıym salyndy.
Іs boıynsha kúdikti retinde merdiger uıymnyń dırektory jáne qurylysqa tehnıkalyq qadaǵalaý jasaǵan kompanııa qyzmetkerleri tanyldy.
-Tergeý jalǵasýda.QR QPK-niń 201-babyna sáıkes ózge aqparat jarııalaýǵa jatpaıdy,-delingen habarlamada.
Osyǵan deıin Prezıdenttiń Qarjylyq monıtorıng agenttiginiń ókilettigin keńeıtkeni týraly jazdyq.