QMA jáne ІІM qylmystyq esirtki tabysyn zańdastyrýǵa qarsy birlesip jumys istep jatyr
Qarjylyq monıtorıng agenttigi málimetinshe, qazir jumys toptary qurylyp, ortalyq jáne óńirlik deńgeıde apta saıynǵy kezdesýler ótkizý arqyly yntymaqtastyq ornatylǵan.
QMA bastamasy boıynsha Qarjylyq monıtorıng agenttiginiń tóraǵasy Dmıtrıı Malahov pen Іshki ister mınıstri Erjan Sádenovtyń jumys kezdesýi ótti. Onyń barysynda jumystyń basym baǵyttary boıynsha odan ári ózara is-qımyl vektorlary talqylandy. Taraptar seriktestik jáne yntymaqtastyq týraly memorandýmǵa qol qoıdy. Endi qarjylyq monıtorıng organdarmen qatar ishki ister organdarynda da qylmystyq kiristerdi jylystatý qaýpi joǵary qylmystarǵa qatysty paralleldi qarjylyq tergeý ınstıtýty tolyqqandy qoldanylatyn bolady. Bul tergeýdiń neǵurlym tıimdi ádisterin ázirleýge jáne shynaıy quqyq buzýshylardy jaýapkershilikke tartýǵa múmkindik beredi.
Qazirgi zamanǵy esirtki bıznesi dástúrli qarjylandyrýdan krıptovalıýta salasyna kóshti, onda olarǵa zańsyz krıptovalıýta uıymdary qoldaý jasap jatyr. Osyǵan baılanysty, qujat qylmystyq kiristerdi, esirtkini taratýdyń zańsyz tásilderi men shemalaryn anyqtaý kezinde birlesken jumys sheńberinde ózara is-qımyldy keńeıtýge múmkindik beredi.
«Bizdiń qarjylyq barlaý bólimshesi ótken jyldan beri Telegram áleýmettik jelisinde esirtkini satý boıynsha 55 ınternet-arnany anyqtady. Olar boıynsha ishki ister organdaryna 30-ǵa jýyq materıal jiberilip, 18 qylmystyq is tirkeldi», - dep atap ótti D.Malahov.
Іshki ister mınıstri Erjan Sádenov óz kezeginde bul kezdesý taraptardyń esirtki qylmystaryna qarsy tıimdi is-qımylǵa múddeliligin taǵy da atap ótti. Kezdesý barysynda qarjylyq barlaý krıpto jáne esirtki aınalymyn anyqtaǵan kezde kiristerdi jylystatýdyń joǵary táýekelimen baılanysty qylmystarǵa qarsy is-qımyl jáne taratý arnalarynyń jolyn kesý boıynsha QMA múmkindikteri tanystyryldy.