QMA: «Kezbı» kompanııasy 321 mln teńge jymqyryp, 1,5 mlrd teńge salyq tóleýden jaltarǵan

<p>ASTANA. KAZINFORM &ndash; Qarjylyq monıtorıng agenttigi &laquo;Kezbı&raquo; kompanııasyn qarajatty jymqyrý jáne salyq tólemeý faktisi boıynsha sotqa deıingi tergep-tekserýdi tirkedi. Bul týraly agenttiktiń baspasóz qyzmeti málim etti.</p>

«QMA Mańǵystaý oblysy boıynsha departamenti «Kezbı» JShS atqarýshy dırektory Erjan Kezbaevqa qatysty QK 190-babynyń 4-bóligi 2-tarmaǵy (asa iri mólsherdegi alaıaqtyq) boıynsha qylmystyq is qozǵady», — delingen habarlamada. 

Ol kompanııa qyzmetkerlerine jalaqy tóleý úshin «Ózenmunaıgaz» AQ bólgen 321 mln teńgeni jymqyryp, sondaı-aq 1,5 mlrd teńgege jýyq somaǵa salyq tóleýden jaltardy degen kúdikke ilinip otyr.

«2021 jyly «Kezbı» JShS «Ózenmunaıgaz» AQ-men brıgada úshin saǵatyna 65 myń teńge baǵamen qyzmet kórsetý sharttar jasasty. Keıinnen eńbekaqy men medıtsınalyq járdemaqylardyń ósýin qosa alǵanda, jumysshylar úshin áleýmettik paketti jaqsartý maqsatynda qyzmet baǵasy brıgada úshin saǵatyna 87 myń teńgege deıin ulǵaıtyldy. Alaıda, qarajattyń edáýir bóligin, atap aıtqanda 321 mln teńgeni kompanııa basshysy qyzmetkerler úshin áleýmettik jaǵdaılardy jumsamaı jymqyrǵan. 2024 jylǵy 3 qarashada kúdikti E.Kezbaev ustaldy. Qazirgi ýaqytta jasalǵan qylmystyń barlyq mán-jaılaryn anyqtaýǵa baǵyttalǵan tergeý áreketteri júrgizilip jatyr», - delingen QMA habarlamasynda.

 QR QPK 201-baby tártibindegi ózge de aqparat jarııa etýge jatpaıdy.

Buǵan deıin habarlanǵandaı, QMA Qazaqstan shekarasynan aýyr preparattardy zańsyz ótkizbek bolǵandardy ustady.