Klınıngtik kompanııa poıyzdardy durys tazalamaı kelgen — QTJ

<p>ASTANA. KAZINFORM — Jolaýshylardyń tazalyqtyń joqtyǵyna jáne QTJ vagondaryn ýaqtyly jınamaýyna jıi shaǵymdanady. Osyǵan baılanysty mass-medıa ókilderiniń qatysýymen jeke tekseris júrgizildi.</p>

Tekserý kompanııanyń Pavlodar, Astana, Qaraǵandy, Petropavl, Kókshetaý, Qostanaı jáne basqa baǵytynda júretin «Jolaýshylar tasymaly» AQ Soltústik fılıaly poıyzdarynda klınıngtik qyzmet kórsetý mindettemeleriniń oryndalmaǵanyn kórsetti. 

Buzýshylyqtardyń arasynda tazalaý sapasynyń tómendigi, sapany baqylaýdyń bolmaýy, qyzmetkerlerdiń biliktiliginiń jetkiliksizdigi, sondaı-aq qujattardy burmalaý bar. 

Klınıngtik kompanııaǵa aıyppul salyndy. Anyqtalǵan kemshilikter joıylmaǵan jaǵdaıda shartty buzý máselesi qaralady. 

Sondaı-aq, «Jolaýshylar tasymaly» AQ Soltústik óńirlik fılıalynyń dırektoryna, dırektordyń servıstik qyzmet kórsetý jónindegi orynbasaryna jáne óndiristik-tehnıkalyq oqytý jónindegi nusqaýshysyna poıyzdardy tazalaý sapasyn baqylaýǵa jaýapty qatań sógis jarııalandy. 

Sondaı-aq, óńirlik fılıal ýchaske bastyǵynyń atqaratyn laýazymyna sáıkestigi qaralady. 

QTJ klınıngtik qyzmetter sapasyzdyǵy, poıyzdardaǵy tazalyqqa baılanysty ózge de faktilerdi foto, aýdıo jáne beınematerıaldarymen qosyp  @Jolaushylar_tasymaly Instagram paraqshasyna (direct) nemese [phone] WhatsApp nómirine jiberýge bolatynyn eske salady.