Klımaty qatal shekara mańyndaǵy aýyldarda elektr energııasyna tómendetilgen tarıf belgilenedi

ASTANA. QazAqparat – Tabıǵı-klımattyq jaǵdaıy kúrdeli shekara mańyndaǵy eldi mekender úshin elektr energııasyna tómendetilgen tarıf belgilenedi. Bul týraly Ulttyq ekonomıka mınıstrligi ashyq talqyǵa shyǵarǵan Aýyldardy damytýdyń 2023-2027 jyldarǵa arnalǵan tujyrymdamasynda jazylǵan, dep habarlaıdy QazAqparat tilshisi.

«Shekara mańyndaǵy aýyldarda turǵyn úı-kommýnaldyq ınfraqurylymdy damytý jóninde sharalar qabyldanatyn bolady. Atap aıtqanda, sýmen, elektrmen, jylýmen jáne gazben jabdyqtaý jelilerin salý jáne rekonstrýktsııalaý jónindegi jumys jalǵastyrylatyn bolady. Bul rette tabıǵı-klımattyq jaǵdaılary kúrdeli shekara mańyndaǵy eldi mekender úshin elektr energııasyna tómendetilgen tarıf belgilenedi», - dep jazylǵan Ashyq NQA portalynda jarııalanǵan tujyrymdamada.

Buǵan deıin habarlaǵanymyzdaı, tujyrymdamaǵa saı, shekara mańyndaǵy klımaty qatal aýyl turǵyndarynyń 1 jyldyq eńbek ótili 1,5 jyl bolyp eseptelmek.