Klımattyń ózgerýi turaqtylyq pen qaýipsizdikke qaýip tóndiredi – BUU

NUR-SULTAN. QazAqparat –Klımattyń jyldam ózgerýi qaýipti jaǵdaıdy aldyn alýǵa múmkindikterdi azaıtyp otyr. Beıbitshilik pen qaýipsizdikti saqtap qalý úshin birinshi kezekte «úlken jıyrmalyq» elderine mańyzdy sheshimder qabyldaý kerek. Jáne bul Shotlandııada ótetin Klımat boıynsha konferentsııaǵa deıin jasalýy kerek. Bul týraly BUU Bas hatshy Antonıý Gýterrısh aıtty, dep habarlaıdy QazAqparat BUU-nyń Jańalyqtar saıtyna silteme jasap.

Qaýipsizdik Keńesiniń klımat máselelerin talqylýynyń ózi onyń ǵalamshardaǵy beıbitshilik pen onyń turǵyndarynyń qaýipsizdigine qaýip tóndiretinin rastaıdy.
Adamdardyń amandyǵy tabıǵat qorlaryna, sýǵa jáne qunarly jerlerge baılanysty kezde klımattyq ózgerister saldarynan bul qorlardyń azaıýy shıeleniske ákelýi múmkin.
Mysaly, Somalıde qurǵaqshylyq pen sý tasqyny saldarynan adamdar eginsiz qalyp otyr. Bul jaǵdaı azyq-túlik úshin básekelestiktiń týýyna ákeldi.
Bosqyndardyń 90 paıyzy klımattyq ózgeristerge tótep bere almaıtyn elderden shyǵady. Ol bosqyndar kóp jaǵdaıda ózderi de klımattyq ózgeristerden zardap shegetin elderge qaraı qashady.
Osyǵan baılanysty Bas hatshy Qaýipsizdik Keńesiniń múshelerin turaqtylyq pen qaýipsizdikti saqtap qalýǵa kómektesetin sharalardy engizýge shaqyrdy.