Klımattyń ózgerýi tabıǵı jáne mádenı eskertkishterge asa qaýipti - ıÝNESKO

NUR-SULTAN. QazAqparat - Qazirgi ýaqytta árbir úshinshi tabıǵı nysanǵa jáne árbir altynshy mádenı nysanǵa klımattyń ózgerýi saldarynan qaýip tónip tur. Bul týraly QazAqparat BUU jańalyqtar saıtyna silteme jasap habarlaıdy.

Sońǵy ýaqytta mádenı jáne tabıǵı mura nysandary, sonyń ishinde kóptegen dúnıejúzilik muralarǵa orman órtteri, sý tasqyny jáne daýyl qaýpi tónip jatyr.

ıÝNESKO málimeti boıynsha, klımattyń ózgerýine baılanysty Dúnıejúzilik mura tizimindegi ormandardyń shamamen 60 paıyzyna qaýip tónýde.

Teńiz nysandarynyń úshten ekisi - degradatsııa aldynda tur. Bıyl Dúnıejúzilik mura týraly Konventsııanyń elý jyldyǵy atap ótiledi, osyǵan baılanysty sarapshylar aldaǵy 50 jylǵa arnalǵan mádenı jáne tabıǵı eskertkishterdi jahandyq jylyný saldarlarynan qorǵaý jónindegi «jol kartasyn» ázirleýge shaqyrdy.