Klımattyń ózgerýinen úılerin tastap ketýge májbúr balalar sany artýda

<p>Sońǵy alty jylda 43 mıllıonnan astam bala tabıǵı kataklızmge baılanysty úılerin tastap ketýge májbúr bolǵan. Ásirese shtormdar men sý tasqyndary aýyr zardaptar ákelýde.&nbsp;<a href="https://kaz.inform.kz/" target="_blank" rel="noopener">QazAqparat</a>&nbsp;bul týraly&nbsp;<a href="https://ru.euronews.com/2023/10/06/unicef-displaced-children-climate-change" target="_blank" rel="noopener">Euronews-ke</a>&nbsp;silteme jasap habarlaıdy.</p>

Aýa raıynyń tosyn jaǵdaılaryna baılanysty otbasylarymen birge qonys aýdaryp júrgen balalar sany artyp keledi. Bul týraly ıÝNISEF-tiń jańa baıandamasynda aıtylǵan.

BUU-nyń Balalar qory 2017 jyldan bergi statıstıkany jınaqtap, sońǵy 6 jylda klımattyq apattar saldarynan 43 mıllıonnan astam bala úılerin tastap ketken degen qorytyndyǵa keldi.

Balalardyń qonys aýdarýyna negizgi sebepter – daýyl men sý tasqyny. Klımattyń ózgerýine baılanysty bul tabıǵı apattar jıi oryn alyp, olardyń qarqyny da artyp keledi.

Buǵan qosa, aldaǵy bolashaqta jaǵdaı aıtarlyqtaı nasharlaı túsetini shamalanyp otyr. Uıymnyń boljamyna sáıkes, ózenderdiń arnasynan tasýynan aldaǵy 30 jylda 96 mln bala úılerin tastap ketýge májbúr bolýy yqtımal.

Halyqaralyq uıymnyń pikirinshe, bul máseleniń ońaı sheshimi joq. Bilim deńgeıin kóterý, tabıǵı apattardyń aldyn alý jáne balalarǵa gýmanıtarlyq máseleler men klımattyń ózgerýine qarsy kúres salasyndaǵy saıasatta erekshe oryn berýdi qosa alǵanda, keshendi sharalar qajet, dep atap ótti ıÝNISEF.