Klıchkonyń jubaıy jekpe-jek aldynda Ýkraınanyń ánuranyn shyrqaıdy
00:28, 13 Sáýir 2014
ASTANA. QazAqparat - 26 sáýirde Vladımır Klıchko óziniń tıtýlyn qorǵaıtyn bolady. Ýkraınalyq ÝDAR partııasynyń kóshbasshysy Vıtalıı Klıchkonyń zaıyby Natalıa Klıchko kúıeýiniń baýyry Vladımırdiń avstralııalyq Aleks Leapaımen jekpe-jegi aldynda Ýkraınanyń ánuranyn oryndamaq.
WBO nusqasy boıynsha óziniń tıtýlyn qorǵaıtyn ýkraınalyq pen Leapaı arasyndaǵy doda germanııalyq Oberhaýzende 26 sáýirde ótpek. 40 jastaǵy Natalıa Klıchko óziniń ánshilik jolyn eki jyl buryn bastaǵan bolatyn. Ol alǵash ret Máskeýde Vıtalıı men nemis boksshysy Manýel Charrdyń jekpe-jegi aldynda án shyrqaǵan edi. Sol kezde ataqty boksshynyń zaıyby amerıkandyq ánshi Djennıfer Rash oryndap júrgen kompozıtsııany aıtty.