QQS mólsherlemesiniń kóterilýi ınflıatsııalyq protsesterge áser etedi - Atameken

<p>Ulttyq ekonomıka mınıstrliginiń ókilderi kásipkerlermen qosylǵan qun salyǵy mólsherlemesin kóterý máselesin talqylady, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Іs-sharaǵa UEM basshysy Álibek Qýantyrov, Ulttyq ekonomıka vıtse-mınıstri Azamat Ámrın, «Atameken» UKP Tóralqasynyń tóraǵasy Raıymbek Batalov, UEM salyq jáne keden saıasaty departamentiniń dırektory Erlan Saǵynaev jáne bıznes-qoǵamdastyq ókilderi, atap aıtqanda mashına jasaý, óńdeý ónerkásibi, sút, taý-ken, metallýrgııa, astyq, elektr energetıkasy, alkogol jáne temeki óndirý salalarynda jumys isteıtin kompanııalar qatysty.

«Bizdiń mınıstrlik usynystarǵa árqashan ashyq. Jańa Salyq kodeksin ázirleýge barlyq múddeli taraptar qatysýda. Biz bıznes salasynda QQS-ty kóterý boıynsha suraqtar týyndap jatqanyn túsinemiz. Sondyqtan barlyq aıtylǵan ıdeıalar muqııat qarastyrylady», - dedi mınıstr.

Talqylaý barysynda «Atameken» UKP jáne bıznes ókilderi atap ótkendeı, QQS mólsherlemesiniń joǵarylaýy ınflıatsııalyq protsesterge áser etedi.

R.Batalovtyń sózinshe, bul másele egjeı-tegjeıli zertteýdi qajet etedi jáne qazirgi ýaqytta jańa Salyq kodeksiniń barlyq máseleleriniń ishindegi eń mańyzdysy bolyp tabylady.

Kezdesý qorytyndysy boıynsha taraptar negizgi tásilderdi, sondaı-aq qarjylyq-ekonomıkalyq esepterdi birlesip pysyqtaý týraly ýaǵdalasty. Jańa Salyq kodeksiniń jobasyn talqylaý boıynsha kezdesýler jalǵasatyn bolady.