QK ÁÁK ushqyshtary túngi kórý aspaptarymen ushý jattyǵýyn ótkizdi

ASTANA. QazAqparat - 50185 áskerı bóliminiń bazasynda qazaqstandyq Áskerı-áýe kúshteri armııalyq avıatsııasynyń ushqyshtary 2017 jylǵy qorytyndy tekseris sheńberinde túngi kórý aspaptaryn qoldana otyryp, túngi oqý-jattyqtyrý ushýlaryn ótkizýde, dep habarlaıdy QR QM baspasóz qyzmeti.

Ushqyshtar jaryqtandyrylǵan ushý jolaǵy boıynsha birneshe josparly ushýlar men qonýlardy jáne belgilenbegen alańǵa qonýdy oryndady. Ortasha bıiktikterde pılotajdaý sheberligin pysyqtap, túngi jaǵdaılarda tikushaqty qoldaný jaýyngerlik múmkinshilikteriniń mashyǵyn bekite tústi.

Mı-171Sh tikushaǵynyń ekıpajy túngi kórý aspaptarynyń keshenin qoldana otyryp, oqý-jattyqtyrý ushýlaryn oryndady. Ushýlardyń mindetti túrdegi elementteri arasynda ANVIS AN/ABS-6 avıatsııalyq kózáınekterin qoldana otyryp, túngi kórý júıesin paıdalaný boldy.

«Túngi jaǵdaılarda tikushaqty basqarý úshin arnaıy daıyndalǵan bul kózildirikter ushý quramyn daıyndaýdyń kúrdeli elementteriniń biri bolyp tabylatyn avıatsııalyq qarý-jaraqty jaýyngerlik qoldanýdy qosa eseptegende, ushý, qoný jáne ózge de operatsııalardy qamtamasyz etýge múmkindik beredi. Mundaı jaǵdaılarda pılotaj ushý quramyn daıyndaýdyń kúrdeli elementteriniń biri bolyp tabylady», - dep Mı-171Sh tikushaǵy ekıpajynyń komandıri aǵa leıtenant Ashat Seıilov.

2017 oqý jylǵy áskerlerdiń qorytyndy tekseristi tapsyrýy sheńberinde avıatsııanyń jaýyngerlik ázirliginiń shynaıy jaı-kúıin aıqyndaý úshin QR QK ÁQK ÁÁK 53975, 30153, 54835 áskerı bólimderi armııalyq avıatsııanyń bir-bir eskadrılıasy dabyl belgisi boıynsha kenetten kóterildi. Tekserý barysynda ushý quramy pılotajdaý, mejege dóp shyǵý sheberligi, shartty qarsylasty joıý, sondaı-aq jaýyngerlik qoldanýǵa ushýlardy oryndaý daǵdylary boıynsha baǵalandy.