Qyzmettik ókiletin teris paıdalandy dep aıyptalǵan shymkenttik sheneýnik aqtalyp shyqty
Búgin Shymkent qalasynyń qylmystyq ister jónindegi aýdanaralyq sotynda Shymkent qalasynyń jolaýshylar kóligi jáne avtomobılder joldary basqarmasynyń burynǵy basshysy M.S.Kokanbaevqa qatysty QK 361-baby 4-bóligi 3) tarmaǵymen qozǵalǵan qylmystyq is qaraldy.
Sot otyrysy ashyq túrde ótti.
Qylmystyq qýdalaý organymen M.S.Kokanbaev laýazymdy adam bola tura qyzmettik ókiletin teris paıdalanǵan dep aıyptalǵan bolatyn. ıAǵnı, jolaýshylardy tasymaldaýmen aınalysatyn jaýapkershiligi shekteýli seriktestikke basqarma tarapynan aı saıyn beriletin mindetti sýbsıdııalardy ýaqtyly, eshbir kedergisiz aýdarýyna, jumysyna kedergi jasamaý úshin 13 000 000 teńge aldy degen kúdikke ilindi.
Búgingi ótken sot otyrysynda M.S.Kokanbaev taǵylǵan aıyp boıynsha, onyń áreketterinde qylmystyń quramy bolmaýyna baılanysty aqtalyp shyqty.
«Qylmystyq protsesti júrgizýshi organdarynyń zańsyz áreketterimen keltirilgen zııandy óteý quqyǵy tanyldy. Sot úkimi zańdy kúshine engen joq» - delingen Shymkent qalasynyń qylmystyq ister jónindegi aýdanaralyq sotynyń baspasóz qyzmeti taratqan aqparatta.