Qyzmetshisin zorlaǵan: Kókshetaýda kóńil kóterý ortalyǵynyń dırektoryna qatysty is qozǵaldy

<p>KÓKShETAÝ. KAZINFORM - Kókshetaýda kóńil kóterý ortalyǵynyń dırektory qyzmetshisin zorlady degen kúdikke alyndy. Bul týraly áleýmettik jelide aqparat tarady.</p>

Osy másele boıynsha Kazinform tilshisi Aqmola oblysy Polıtsııa departamentine saýal joldady.

«Sizdiń saýalyńyzǵa zorlaý deregine baılanysty Qylmystyq kodekstiń 120-baby 1-bóligi boıynsha sotqa deıingi tergep-tekserý bastalǵanyn habarlaımyz. Kúdiktiniń kim ekeni anyqtaldy. Tergeý aıasynda sot-medıtsınalyq saraptama taǵaıyndaldy», - dep jaýap berdi Aqmola oblysy Polıtsııa departamentiniń baspasóz qyzmetinen.

Vedomstvodan atap ótkendeı, Qylmystyq is júrgizý kodeksiniń 201-babyna sáıkes ózge aqparat jarııalaýǵa jatpaıdy.

Jelidegi jazbada oqıǵa maýsymnyń 20 men 21 aralyǵynda túnde Kókshetaý qalasyndaǵy kóńil kóterý ortalyǵynda bolǵan.

Aıta ketsek, budan buryn Aqmolada alaıaqtyq jasady degen kúdikpen túrme bastyǵy ustalǵanyn jazǵan edik.