Qyzyńyz bireýdi qaǵyp óltirdi: Alaıaqtar kýrer arqyly aqsha aldyratyn bolǵan

<p>ASTANA. KAZINFORM — Sońǵy ýaqytta telefon alaıaqtary eldiń aqshasyn aldap alý úshin kýrerlerdi paıdalanatyn jaǵdaılar jıilep ketti.</p>

Telefon alaıaqtary ártúrli saıttarǵa kýrerlik jumys usynyp, belgili bir aqyǵa qylmystyq jolmen alynǵan qarajatty aýdarý týraly jarnamalardy jarııalap otyrǵan.

Astanada telefon alaıaǵy jábirlenýshige habarlasqan. Oǵan qyzynyń adam ólimine alyp kelgen jol apatyn jasaǵanyn jáne isti oń sheshý úshin ózine aqsha aýdarý qajet ekenin aıtqan.

Osyndaı shema boıynsha 1 mln teńgeden astam qarajatty ıemdenip, 2 jábirlenýshini aldaǵan.

Kýrer retinde elordanyń 27 jastaǵy turǵyny jumysty Telegram-arnasy arqyly habarlandyrýdan taýyp, qylmystyq toptyń sybaılasy bolǵan.

Kináli aqshany alyp, ózine osy aqshanyń 10% qaldyryp, qalǵan somany beımálim adamdardyń shotyna jiberip otyrǵan.

Sot úkimimen sottalýshy jábirlenýshilerdiń paıdasyna materıaldyq shyǵyndy óndirdi.

Úkim zańdy kúshine endi.

Qylmystyq toptyń sybaılastaryn qylmystyq jaýapkershilikke tartý boıynsha barlyq sharalar qabyldanyp jatyr.