Qyzylshanyń taralýy: Astananyń sanıtarlyq dárigeri ata-analarǵa úndeý jasady

<p><strong>ASTANA. KAZINFORM -&nbsp; Elordada qyzylsha boıynsha epıdemıologııalyq jaǵdaı ýshyǵyp tur. Munyń basty sebepteriniń biri &ndash; vaktsınatsııanyń azdyǵy. Bul ásirese balalar arasynda jıi kezdesetin problema. Osyǵan baılanysty Astananyń bas memlekettik sanıtarlyq dárigeri Sarhat Beısenova ata-analarǵa úndeý jasady.&nbsp;</strong></p>

Elorda ákimdiginiń resmı saıtynda jazylǵandaı, turǵyndardyń basym bóliginiń qyzylshaǵa qarsy ımmýnıteti bolmaýynyń kóptegen sebebi bar. Sanıtarlyq dárigerdiń aıtýynsha, bul vırýstyń aınalymy men epıdemıologııalyq jaǵdaıdyń nasharlaýyna sebep bolyp otyr.

«Sondyqtan revaktsınatsııa júrgizip, balalarǵa ýaqytyly ekpe alýy kerek. Naýqaspen baılanysta bolǵan jaǵdaıda 72 saǵat ishinde shuǵyl túrde ekpe alýǵa bolady. Osylaısha, ekpe almaǵan adamdardy ınfektsııadan ýaqytyly qorǵaý jáne ınfektsııanyń odan ári taralýyn boldyrmaý maqsatynda 2 528 adam vaktsına aldy. Sondyqtan jalǵyz tıimdi qorǵanys vaktsınatsııa ekenin taǵy bir ret atap ótemin. Balasynyń ýaqytyly ekpe alýyn eń aldymen, ata-analary oılaýy kerek», - dedi Sarhat Beısenova.

Aıta keteıik, 2023 jyldyń 6 qarashasynan bastap elordada 6 aıdan 10 aı 29 kúnge deıin balalarǵa jappaı vaktsınatsııa júrgizilip jatyr. Jeltoqsannan bastap olarǵa 2-4 jastaǵy balalar qosyldy.

6 qarashadan bastap qazirgi ýaqytqa deıin 47 166 bala egildi. Bul – 36,5%, onyń ishinde 6 aıdan 10 aı 29 kúnge deıin – 8 986 nemese 37,4 %; 2-4 jas – 27 137 nemese 36,5 %; medıtsına qyzmetkerleri – 5 351 nemese 89,2 %.

Sondaı-aq ulttyq vaktsınatsııa kúntizbesine sáıkes vaktsınatsııalanbaǵan balalardy anyqtaý jumysy jalǵasyp jatyr.