Qyzylshamen aýyrǵan 30 bala jansaqtaý bóliminde jatyr – Ajar Ǵınııat

<p>Densaýlyq saqtaý mınıstri Ajar Ǵınııat Úkimet otyrysynda qyzylshany aýyr ótkerip jatqan balalardyń jaǵdaıy týraly málimet berdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Búgingi tańda elimizde qyzylshamen aýyrǵan naýqastar úshin ınfektsııalyq aýrýhanalarda 3,5 myńnan astam tósek oryn ashyldy. Statsıonarlyq emdelýge 2375 bala jatqyzylǵan, júkteme 60 paıyzǵa jetti. Rezervte 1093 oryn bar. Emdeýge jatqyzý Jambyl oblysynda – 92%, Almaty qalasynda – 88%, Túrkistan oblysynda – 81%, Shymkent qalasynda 79% joǵary ekeni baıqalady», – dedi vedomstvo basshysy.

Sondaı-aq ol qyzylshadan adam ólimi tirkelmegenin atap ótti.

«Emdeýge jatqyzylǵandardyń arasynda 30 bala reanımatsııa bólimshelerinde aýyr jaǵdaıda jatyr. Onyń ishinde 1 jasqa deıingi 15 bala bar. Ólim-jitim joq. Jaǵdaıy aýyr balalardyń bári mınıstrliktiń baqylaýynda», – dedi mınıstr.