Qyzylsha juqtyrǵan 29 bala jansaqtaý bóliminde jatyr

<p>Ana men bala densaýlyǵyn saqtaý departamenti dırektorynyń orynbasary Áıgerim Ospanova ortalyq kommýnıkatsııalar qyzmetinde qyzylsha juqtyrǵan 29 balanyń jansaqtaý bóliminde jatqanyn málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Balalarǵa kelsek, negizi 2079 bala statsıonarlyq em alyp jatyr. Kúndelikti 300-den astam bala shyǵarylyp, 400-ge jýyq bala túsip jatyr. Onyń ishinde 2911 tósek orny bar. Bul balalarǵa belgilengen. Onyń ishinde 139 reanımatsııalyq tósek bar. Qazir ol tósekterdiń paıdalanylýy – 52 paıyz. Búgingi tańdaǵy jaǵdaı boıynsha 29 bala reanımatsııada boldy. Onyń ishinde 11-i bir jasqa deıingi bala, 13-i úsh jasqa deıingi bala», - dedi ol.

Mamannyń sózinshe, bul balalardyń jaǵdaıyna turaqty monıtorıng taǵaıyndalǵan.

«Sondyqtan ár balanyń hal-jaǵdaıy baqylaýda ustalyp, óńirlerge qajetti konsýltatsııalar júrgiziledi. Bul 29 balanyń jaǵdaıy ortasha dep belgilengen. Sonymen qatar kúndelikti grafık boıynsha búkil medıtsınalyq uıym dárigerlerin oqytyp jatyrmyz», - dedi Áıgerim Ospanova.