Qyzylordanyń Tasbóget kentinde joǵary qysymdy gaz jelisinde aqaý tirkeldi

<p>QYZYLORDA. KAZINFORM - Qyzylorda qalasynda búgin Tasbóget kentiniń kireberisindegi joǵary qysymdy gaz jelisinde aqaý boldy. Saldarynan aqaý shyqqan aýmaqtaǵy tutynýshylar gazdan ajyratyldy.</p>

Atalǵan oqıǵaǵa baılanysty Qyzylorda qalasynyń ákimdigi túsinikteme berdi.

«QazTransGaz Aımaq» AQ Qyzylorda óndiristik fılıaly bıylǵy jyldyń 29 naýryzy kúni Tasbóget kentiniń kireberisindegi joǵary qysymdy gaz jelisinde aqaý tirkelgenin anyqtady.

«Tótenshe jaǵdaıdyń aldyn alý úshin aqaý shyqqan aýmaqtan tutynýshylarǵa beriletin kógildir otyny ajyratyldy. Apatty brıgadamen aqaýdy qalpyna keltirý jumystary júrgizilýde. Turǵyn úılerdi gazǵa qaıta qosý jumystary tańǵy ýaqytta júrgiziledi. Keltirgen qolaısyzdyqtarǵa túsinistikpen qaraýlaryńyzdy suraımyz», - dep atap ótti ákimdikten.