Qyzylorda oblysynyń qalalary men aýdan ortalyqtary gazben qamtylǵan

<p>Qyzylorda oblysynyń barlyq aýdan ortalyǵy men 4 qala, 19 eldi meken tabıǵı gazǵa kóshirildi. Bul týraly oblys ákimi Nurlybek Nálibaev elordada eseptik kezdesýinde aıtty, dep habarlaıdy<a href="https://kaz.inform.kz/" target="_blank" rel="noopener"> Kazinform</a>.</p>

«Oblysymyzdaǵy barlyq aýdan ortalyǵy men 4 qala (Aral, Qyzylorda, Baıqońyr, Qazaly), 19 eldi mekenimiz tabıǵı gazdyń ıgiligin paıdalanýda. Bıyl 12 aýyldyq eldi mekenimizge gaz kirgizilýde. Osylaısha óńirimizde turǵyndardy gazben qamtý kórsetkishi 75 paıyzǵa jetedi», - dedi Nurlybek Nálibaev Ortalyq kommýnıkatsııalar qyzmetinde ótken baspasóz máslıhatynda.

Ákimniń aıtýynsha, keler jylǵa josparlanǵan 4 mlrd teńgege 12 eldi meken kógildir otynmen qamtamasyz etiledi. 2024 jyldyń sońynda gazdandyrylý deńgeıi 78 paıyzǵa jetedi.

Sondaı-aq, oblys halqynyń 98,1% ortalyqtandyrylǵan aýyz sýmen qamtylǵan. Keler jyly 4 mlrd teńgege aýqymdy 4 joba júzege asyrylady. Nátıjesinde 2025 jyly oblysta ortalyqtandyrylǵan aýyz sýmen qamtý máselesi túbegeıli sheshiledi.