Qyzylordanyń 2 myńǵa jýyq mektebine japsarlas ǵımarat salynǵan

<p>&laquo;Jaıly mektep&raquo; ulttyq jobasy aıasynda Qyzylorda oblysynda 21 mektep salynady. Budan bólek, 2 myńǵa jýyq mektepke japsarlas ǵımarattar salynýda. Bul týraly óńir ákimi Nurlybek Nálibaev elordada eseptik kezdesýinde aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Bıyl oblysta 4 jańa mektep paıdalanýǵa berilýde. Prezıdent bastamasymen «Jaıly mektep» ulttyq jobasy aıasynda oblysymyzda 21 mektep salynady. Joba quny – 98 mlrd teńge. Qazir 10 mekteptiń qurylysy júrgizilýde, qalǵan 11-i kelesi jyly bastalady», - dedi Nurlybek Nálibaev Ortalyq kommýnıkatsııalar qyzmetinde ótken baspasóz máslıhatynda.

Sonymen birge, «Bilimdi qoldaý qory» esebinen Qyzylorda qalasynda quny 7 mlrd 900 mln teńgeni quraıtyn fızıka-matematıka baǵytyndaǵy 300 oryndyq jataqhanasy bar 400 oryndyq mektep-ınternat qurylysy qarqyndy júrgizilýde.

«Qyzylorda qalasynda 4 irgeli mekteptiń janynan 1850 orynǵa arnalǵan qosymsha ǵımarattar salynyp, paıdalanýǵa berildi. Qosymsha ǵımarattar salýdaǵy maqsat – birinshiden balalardyń úıinen mektepke qatynaýyna jaqyn, yńǵaıly. Ekinshiden, bıýdjet qarajatyn únemdeý. Bir jańa mektep salýǵa orta eseppen 3 mlrd teńge ketedi. Al bir qosymsha ǵımarat salýǵa ketken qarajat 700 mln teńge kóleminde», - dep tolyqtyrdy oblys basshysy.

Al shalǵaıdan qatynaıtyn oqýshylar úshin jańa úlgidegi 30 avtobýs alyndy.