Qyzylordalyq polıtseıler úsh jyl buryn qaraqshylyq shabýyl jasaǵan adamdy ustady

<p>QYZYLORDA. KAZINFORM - Qyzylorda oblysynda polıtseıler úsh jyl buryn jasalǵan qylmysty ashty.</p>

Oqıǵa 2021 jylǵy 21 aqpanda bolǵan. Sol kúni keshki ýaqytta «Shymkent-Samara» tas jolynyń boıyndaǵy janarmaı quıý beketine betperde kıgen belgisiz adam qaraqshylyq shabýyl jasaǵan. Kassır men kúzetshini qarýmen qorqytyp, aqshany alyp ketken kúdikti birneshe jyl boıy boı tasalaǵan.

«Atalǵan derek boıynsha qylmystyq is qozǵaldy. Іzdestirý is-sharalarynyń nátıjesinde kúdikti ustaldy. Ol Shıeli aýdanynyń 25 jastaǵy turǵyny ekeni anyqtaldy. Vedomstvo málimetinshe, turǵylyqty jeri boıynsha zattaı dálel retinde qoldan daıyndalǵan qos uńǵyly sholaq myltyq tárkilendi. Kúdikti qamaýǵa alyndy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda zańsyz mazýt satqan eki kásipker jazaǵa tartyldy.