Qyzylordalyq polıtseıler esirtki qylmysy boıynsha kúdiktini tórt jyldan keıin ustady

<p>QYZYLORDA. KAZINFORM -&nbsp; Qyzylorda polıtseıleri esirtki qylmysy boıynsha kúdikti dep tanylyp, tórt jyl boıy tergeýden boı tasalap júrgen adamdy Almaty qalasynda ustady.</p>

Bul baǵytta Qyzylorda oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri izdestirý sharasyn júrgizdi.

«Nátıjesinde esirtki qylmysyn jasady degen kúdikke ilinip, 2020 jyldan beri izdeýde júrgen qala turǵynyn qolǵa tústi. Jedel ýákilder 42 jastaǵy kúdiktini Almaty qalasynda jaldamaly páterde ustady. Kúdikti ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda 200 mln teńgege jýyq qarjy jymqyrǵan 9 adamǵa qatysty úkim shyqty.